قبيلة بني رشيد - العز بالإسلام

العز بالإسلام
**********
صالح بن عبدالرحمن الصالح الناصر

..
.

يامزنتن بالخير بارقها لاح

من يوم شفته بالمناشي شعاني
.
أخايله بالعين من وين ماراح
واشد وانزل من مكان المكاني
.
عيني لها نظرات والنور وضاح
على جبين الداعي اللي دعاني
.
للعز ياخط المكارم والاصلاح
وامر التمسك بالقيم والمعاني
.
لبيه ياعلمٍ له القلب مرتاح
حرك هواجيسي وعبر لساني
.
اسلامنا هو عزنا كنز الارباح
نفداه والمحسن جزاه الحساني
.
للدين هبي ياذعاذيع الارياح
بالخير والاصلاح ما به مشاني
.
اليا اهتدى رجلٍ على ايدين نصاح
اخير من حمر النعم ياخواني
.
وتلاوة القرآن للفكر مصباح
نورٍ وحفظه نور طول الزماني
.
يالله من فضلك ملذات وافراح
بتلاوة القرآن نعمة واماني
.
يا أمة الإسلام للخير مفتاح
لاتهجرونه والليال امتحاني
.
وامر التكاتف عز والزند قداح
كلٍ على ثغره عيانٍ بياني
.
الأمر بالمعروف للعاقل اسلاح
يعمر كيان اللي بليا كياني
.
نادى مناد الحق وادعوك بلحاح
خل التكاسل لاسمعت الاذاني
.
ترى عمود الدين في صدرك وضاح
حافظ عليها لا يفوت الاواني
.
ان كانها زانت ترى الحظ ما طاح
بمر الله ابشر في نعيم الجناني
.
ونهاية الموضوع بيجاز ويضاح
حسن التعامل يرفع المودماني
.
مار الله الله يا بعيدين الاشباح
وصيتي للناس قاصي وداني
.
العز بالاسلام والطيب فواح
والعنصرية هي هدام المباني