قبيلة بني رشيد - اهداء لكل عبسي

[POEM="font="Simplified Arabic,5,blue,normal,normal" bkcolor="transparent" bkimage="./images/backgrounds/1.gif" border="none,4,gray" type=1 line=0 align=center use=ex num="0,black""]مالردي غير الرداء يابـو وجهيـن=وأنا مـن اللـي مايتـردى بخويـه

انا من اللـي دايـم الـدوم وافيـن=بني رشيد أهـل الوفـاء والحميـه

مترك خويي لو غدا الجمع نصيـن=معه معه لو صـرت لجلـه ضحيـه

ماهمني حاسـد ولا هـرج واشيـن=سجيتـي وحـده ونعـم السجـيـه

ورثة جـدودٍ باالملاقـاء سلاطيـن=قـد ورثوهـا لـي وسـامٍ عليـه

خوة رشيـدي يشهـدون الملاييـن=محنا من اللـي لـه ثلاثيـن نيـه

اصفى من الماء لا ركد تحته الطين=مثـل القمـر فـاليلـه الخرمسيـه

ناسٍ كذا فطره خلقنا علـى الديـن=اليـا عطينـا مـا نمـن العطـيـه

نحلم ونحلـم ثـم نصبـح براكيـن=الصبر لـه حـده ولطيـش غيـه

نشره على الجاهل وندرى المسيكين=نـخـاف لا والله ورب الـبـريـه

الخوف عنا بعد اثينا عـن الصيـن=وابعد من ننجوم السمـاء والثريـه

صدورنـا لهـل الكرامـه مياديـن=ولهل الحسد والغـل كبـر الخليـه

اليا جزعنـا مابهـا قـول بعديـن=حاضـر بحاضـر والمنيـه منيـه

نعم نعم ربعي على العسـر والليـن=وسامـة الكفـه هــل الشاذلـيـه

كرم شجاعه عز مع طيب مع ديـن=كـمـال لله الـكـمـال ونـبـيـه

ناسٍ على علوم النشامـا مضريـن=محنـا نعيـش بعنجهـة جاهلـيـه

القلب واحـد لـو خلقنـا بلاييـن=نشبـه بعضنـا وحسبوهـا عليـه

بضبط عين وحاجب او حاجب وعين=مـا نختلـف بالـراي والمرجعيـه

ومن دون ربعي لو غدا الشر شرين=لوقف وباقي عمـري ألهـم هديـه

فدوه لهـم قلبـي وباقـالشراييـن=والله مبخـل و الامـر فـي يديـه

وهاذي رؤؤس اقلام بس ونياشيـن=ماجبتهـا بتفصيـل لكـن شـويـه

مدحي مايوفيهـم ولا يافـي الديـن=في مدحهم لو هـي بيوتـي قويـه

وماهو بربعي حصر والناس داريـن=كـلٍ لـه امجـاد وجـذور وهويـه

ونعم نعم بقصى القبايـل والادنيـن=كـلٍ لهـم بالمجـد روحـه وجيـه

واليوم باللي كاتب الـرب راضيـن=في دولة اّل سعـود عـدل وسويـه

ونعم رشيدي وافتخر يابو وجهيـن=وجتك القصيـده وعتبرهـا هديـه

[/POEM]

للشاعر عايد بن خلف الرشيدي