قبيلة بني رشيد - ولو العيون تحس وتعرف الاحساس

لا باس ياقلبً شكى الهـم لابـاس

كانك تعانـي واجـد اللـي يعانـي

لاتربك اعصابي وتلعب بالانفـاس

ارفق علي انا مالـي قلـب ثانـي

يكفي ثلاث سنين وانا احضن الياس

على اغنية .. (ياليل وقتي عصاني)

يكفي علي اني شربت اخر الكـاس

كاس المراره من يديـن الزمانـي

يكفي علي اني على كثر مااحتـاس

اصير جانـي لـو مانـي بجانـي

يكفي علي اني بديت اتعب الـراس

واشك في عقلـي وعقلـي يابانـي

لو انها ساعة فكر قلـت وسـواس

لكن هـذي سنيـن ماهـي ثوانـي

سنين فيها يتكـي قاسـي السـاس

وسنين فيها العشر ترجـع ثمانـي

اسمع ياقلب ولو هي فجوج واطعاس

اسمع ولو ماهو عشانـك عشانـي

لو البحـار مكذبـة كـل غطـاس

ماتسمع بقـارب رسـى بالموانـي

ولو العيون تحس وتعرف الاحساس

ماغمضت عيني وانا ابكي زمانـي