مـــعاود القــريــتــيــنــي
 

السلام عليكم ورحمة الله وبركاته

اسعد الله مساكم/صباحكم بكل خير

[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياحمود وين اللي من العام ياحمود=اللي لوابطت جيتي يحتريني
ماشوفله ياحمود بالمنطقه رود=مدري رحل والا كلته السنيني
عليه من طرق الهوى ماعلى العود=وانا عليه معاود القريتيني
غير التمني والعنى ماكسب فود=الا مشاهد نجمة الفرغديني
الله لايجزى هوى بارد النود=اللي على بعض الامور تحديني
تمضيبنا الايام والاجل محدود=واخير من دنيا الشقى ركعتيني
قبل الاخير ومعضم العالم رقود=عساه يغفر ذنب قلبي وعيني
مذنب ومذهب والمواقف لها شهود=شيً يبين وشي صعباً يبيني
يامن ذكرلي بكرتي ياهل الذود=اللي على ارقبة امها ردعتيني
واسم اخو هدبا كاسب الطيب والجود=معطي بنات مهجرسات الحنيني
وضحى غفل وعيونها رموشها سود=هدية الطيب على الطيبيني
سمرا الذويبي والدميثه لها حدود=مدهال ذود الصلف قبل اسنتيني
واليوم عنها شد والعلم ماكود=شال وقطع مع خشم وسمه يميني
عقب العسوس اللي عسى مالهم رود=شلّو وسيج سويلم الذاهبيني
[/poem]

صح لسانك على هالقصيده الرائعه

يعطيك الف الف عافيه

شاعرنا / عايض صالح
صح الله لسانك .. واعتلا شانك
قصيده جزله من شاعر جزل
لاهنت ..
وتقبل خالص الود والتقدير

صح السانك ياخووووي
مشكوووور على القصيدة

صح لسانك أستاذ صالح
قصيدة جزلة
لك الود الجميل

صح السانك على القصيده الرائعه
تقبل مرور العاقل