عسى الله يصبرني لــمدة شهر واسبوع=على شأن ابنسى واحد(ن)طول اغيابه
لو ان الفراق اللي حصل ماوراه رجوع=انا عارف اللي ينتظرني من اسبابه
ظروف(ن)وراي ومن وراه الامل مقطوع=ظروف(ن)تخلي صاحبه يفقد اعصابه
لعله يمر بظروف حرجه مثل هالنوع=على شأن يعرف بعدها قيمة اصحابه
من المستحيل ايناسبه غيرهالموضوع=مدام الطريق اللي فتح ماقفل بابه
لوانه يطيع الرأي يمدي مشالي طوع=على كثر ماكنت انصحه واتوصابه
لكن اختلاف الرأي في داخله مطبوع=قبل لانفيده كان له رأي(ن)اولىبه
طريق(ن)جمعنا وابتدأ بعده المشروع=يوديه عني ساعة(ن)مثل ماجابه
ولافيه بعده غير اقول الشعر ممنوع=أخافه يحسب اللي كتبته على احسابه

اقتباس من مشاركة بندر الذيابي (المشاركة 62671) صح الله لسانك اخوي ليلان قصديه جميله تحمل الكثير من المعاني الجميله ننتظر جديدك بندر الذيابي

اقتباس من مشاركة ناصر الشويلعي (المشاركة 62701) صح السانك قصيده جميله ورائعه بارك الله فيك ولاتحرمنا من ابداعك وجديدك تحياتي

اقتباس من مشاركة مسندالعويمري (المشاركة 64884) ولافيـه بعـده غيـر اقـول الشـعـر ممـنـوع أخافـه يحسـب اللـي كتبتـه علـى احسـابـه صح الله لسانك اخوي ليلان قصديه جميله تحمل الكثير من المعاني الجميله ننتظر جديدك