|
مساعد : مانشدته؟
من قديم الزعيم المتجدد-غناها الفنان البحريني أحمد الجميري من زمان تسولف الريح عن شاله كل عطرٍ ساقت الريح من يمّـه وش عليه ان مرني شايفٍ حاله في يدينه ينثر الليل ويلمّـه وش عليه أن فزت الشمس لقباله كم صباح سيل الشمس من كمه كم هبوبٍ عرسهـا لثـم شلالـه كم ترشفه الشفق وانتثـر دمّـه لو فهم جمر النحر عذر سلسالـه ماتضايق مايس القد مـن زمّـه لو عيونه تجرح الشوف مختالـه ماتمل عيون مغليه مـن ضمّـه ليه اسمّي سود الاهـداب قتالـه والحياه بساهي الرمـش ملتمّـه ليلـة انـه بينهـم كنّـه لحالـه ضاع قلب وضاعت ازوال بالّلمّه مانشدته طيب الفال عـن فالـه جيت ماادري تايه الراي واليمّـه اتلمس بين الاضـلاع منزالـه واثره اللي في ذرى القلب ماهمّه مترفٍ يومـي دلالـه ويبرالـه يوم كلًّ يمدح الشـوف ويذمّـه ماتورّث زيـن عمّـه ولاخالـه ياولد عمّ القمـر ياالقمـر عمّـه الزعيم ونورس الشرق - مساعد الرشيدي |
صح لسان مساعد
ويعطيك العافية على النقل |
لاهنت يالمر
مميز بطرحك رائع بمواضيعك دائما تحرص على الرائع والجزل صح ألسان الزعيم لله دره رائع كما عهدناه |
صح لسان شاعرنا
ولاهانت على النقل |
مانشدته طيب الفال عـن فالـه جيت ماادري تايه الراي واليمّـه اتلمس بين الاضـلاع منزالـه واثره اللي في ذرى القلب ماهمّه تسلم العذب على التميز الرائع - وصح السان الشاعر / مساعد الرشيدي تحياتي وحترامي لك |
المر العذب
أنت أحلى من نتذوق الشعر الجميل منه صح لسان الشاعر مساعد الرشيدي |
وش عليه ان مرني شايف حاله
في يدينه ينثر الليل ويلمــه صح السان الزعيـــــــم وصرراحه اول مره اسمع بها ومشكووور على النقل اخوووي ( المر العذب ) منتظرين جديدك |
مشكور والله يعطيك العافيه
يالمر العذب على الاختيار العذب تقبل مرور العاقل |
| الساعة الآن +4: 09:45 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
