|
ضحــــك الغـــنج قصيده جديده لكم
السلام عليكم ورحمة الله وبركاته:ــ قصيده جديده أضعها بين أيديكم متمنيآ أن تنال أعجابكم راكب اللي لاسرى الليل والطرقه بعيد=يعجبك مسراه بالخط لامنه سرا جيب لكزس ماتصدره شركة بالبيد=الجميل اللي يصدره مامعه خشرا أبيض لونه وياخذ من ألوان الجليد=متصل قطعه من الوجه لأسطبه ورا أن تنطحته زعيم(ن) ومن خلفه عبيد=وأن تقفيته ملك مرتكز بين اوزرا ساهجه للي سكني وريد اليا وريد= وأمتلكني ملك كلي غصب دون البرا جادل(ن) عن جيلها فارقه فرق(ن) أكيد=مجتمع فيها الحلا والدلع والغشمرا فيها من ضحك الغنج مايولعني قصيد=ضحكت(ن) تشفي عليل(ن) تعالج مابرا لاطرق رمشه وسلهم بنظره من جديد=كن رمشه خالقه من خلقها لي ذرا همسها لامن حكت لي يخليني بليد=همسها يجري بدمي مثل سيل(ن) جرا بس هي اللي من الناس تحكم ماتريد=وغيرها من الناس ياناس والله ماطرا جيتها والشوق ناره بصدري له وقيد=والسهر واضح بجفني وكل(ن) له درا بعد فرقا والسبب كانت ظروف(ن) تحيد=ماابتعد عني بكيفه ولا طوعه ترا لكن الايام تمشي بعكس اللي نريد=لو تزين سنين لابد ترجع للورا والتقينا واخضر الغصن وازهر من جديد=ونامت عيون السهارى وطاب لها الكرا وسلامتكم,,, بقـــــــ(يحيني طاريك)ــــــلمي تقبلوني بـــود دمتم بخــير |
إقتباس:
بيض الله وجهك على هالشامخة والوصف الرائع والمعاني والصور ابداع تستاهل التثبيت والختم |
صح اللسانك
ابيات رائعه |
ابيات رائعه شاعركبير اعجبتني القصيد والوصف الخيالي الرائع
|
الاقتباس غير متاح حاليا
وجهك ابيض طال عمرك وشرف كبير لي انها نالت أعجابك ويكفيني الشي هذا سعدت بردك وأشادتك لك مني كل الاحترام والتقدير دمت بخير |
صح بدنك
تسلم اخوي على المرور لك مني احلى تحيه |
الاقتباس غير متاح حاليا
تسلم لغاليك ومغليك سعدت بمرورك لاهنت وعلا شأنك أشادتك شهادة اعتز بها تقبل أجمل تحياتي دمت على الود |
الله عليك ابدعت بالوصف ويستاهل الجيب
صح لسسانك |
| الساعة الآن +4: 08:01 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
