سلام مني للصحيب الصدوقي=تاجي ابو طارق سلايل كحيلان
ترحيبة من ضامري ومعلوقي=بالغالي اللي مايجي منه نكران
جيتك وانا هايم بحب مخلوقي=فيه الجمال انواع واشكال والوان
فيه العيون اللي حورها زروقي=والخد كنه برق من بين الامزان
وخصره نحيل وساق رجله مشوقي=ومبيسمه يشدي لخاتم سليمان
شفته وقلت ارجوك لا لا تعوقي=لاتترك اللي مارجى غيرك انسان
قال الجفا حل وتراي معزوقي=مماجرالي عشت في بيت سجان
تسارعت دقات قلبا صدوقي=فيه الغلا والحب يجري بشريان
وهلت دموع العين من فقد شوقي=وجلست اسامر نجمه الليل سهران
جاني خبر عن ماحصل لمعشوقي=انه سكن ديره هل الحب خيطان
راح وتزوج والضماير تتوقي=للناعم اللي ماعرف كحل الاعيان
مكحوله خلقه وزينه يفوقي=ملاك طاهر حطم الانس والجان
انا اشهد انه ساكنا بالخفوقي=وانا اشهد انه راح والذيب جيعان