الأيام ماكفت عن المسلمين حراب=سمه بالزمان ونهج طبعه وأساليبه
بدت من عيال آدم قتل وأنقسام أحزاب=من النفس مايدعي لك الشك والريبه
يقين..أن مابعد علم اليقين أكذاب=وحسبك كتاب مايغير مكاتيبه
شديد البلى فيه آهل العزم والالباب=وأشده برسلاً تدعي الله وتدعيبه
ومن حبه الله يبتلى ثم اليه يناب=ولا ندٌعي تأويل ربك وتأويبه
طريق الذهاب وكلنا للذهاب أسباب=علمناه لكن نجهله حين نمشي به
سهومه قدر ينذرمن أخطاه باللي صاب=ولاصاب من يخطي ولا أخطا ..من يصيبه
يا (حماد) تدري مايصيبك (فضي) ينصاب=نصيبٍ يصيبه كثر ماياخذ صحيبه
حملنا من الذكرى (وطن) والصدور رحاب=ياللقلب ذكرى الثوب ماهي طرف جيبه
رسالة سلام أطهر بلد في بلاد أغراب=سلامي على حيٍ(ن) يوديه ويجيبه

اللهم صلِّ على نبينا محمد

فضي البراك صح لسانك على هالرائعة وتقبل احترام وتقديري