يا راكب حر بعيد المساري
 

يا راكب حر بعيد المساري
حر ينومس صاحبه ما يمله
كنه اليا درهم بنفسه يماري
نفسه ويستاق السراب ويتله
احمر ظهره من الوبر تقل عاري
ضامر عليه يشبهون الأهله
مامون من طيبه على المشي ضاري
هميم ياصل ما يبي قبل حله
مطواع كنه عن خفى السر داري
او صاحبه عن ما نوى قايلله
منجوب ما اعرق في جدوده احداري
من عبس وفياض 'العلم' مدهل لله
تزهى به 'الكفه' على كل طاري
وعن فعل ربعه من كبار الادله
وصايفه عنها يكون اعتذاري
اخير من وصف يجي فيه زله
وعليه من ياصل بعيد المحاري
شجاع ما تطري عليه المذله
رجل عليه من الشهامه مواري
كريم نفس وعزته فيه مله
ضاري على المسري بجوف الغداري
دليل لو دربه غدى الدرب دله
وافي على الخوه صبور يداري
صدوق فيه من اهل الكذب غله
لا ضاق من وقته وكثر الطواري
عدى على اللي يغري الشمس ظله
ضلع طويل ويستثير العباري
ضلع يعقد احجاج قلب ويفله
مرقاب يطوي للعيون الصحاري
ينقض جروح ويبري الفين عله
شموخ طولك 'يا لعلم' منه غاري
غيم سقى وبله شعيبك وعله
لو كان تدري عنه بعض الذوادي
ما عانقت غيره جبال مطله
اسوق له حب من اقصاي جاري
واغليه واحزمله قصيدي واحله
عنيتله يوم اول النوم طاري
'العيد هي' وسلوم رجل يجله
مع هاجس من دار ذاتي لداري
يتعب مثل خل جفا قلب خله
سهرت لين الفت سبور النهاري
تطوي الظلام وتبعده عن محله
واستسلمت للنوم روح انتظاري
وعيني غشاها نومها مسفهله
ليله وكانت للسكوت انكساري
وللبوح ميعاد عن الشوق كله



زعل الرشيدي

الله يسلمك ياوسام عبس بيض الله وجهك مشكورررررررر علي المروررررررررررر

سلمت على نقلكـ

الله يسلمك ياخوي ومشكوررررررررر علي المرورررررررررررر

مشكور على النقل

وتقبل مروري

الله يسلمك وعافيه ياخوي يابن سعيد ومشكورررررررر علي المروررررررررررررر

صح لسانك وتقبل مروري