|
لـــهـــيـــب الـــــــلا ل
السلام عليكم ورحمة الله وبركاته
الله يسعد مساكم/صباحكم بكل خير الا يالهجوس اللي تزاحم على الموال=تبيني على موالها العام اغنيها تسوق الضلوع المهدفه سوقة الجمال=عراقيب ذوده في عصاه متقفيها عليها يصيح وساقها في لهيب اللال=تلوبه سموم القيض والعد مغديها سوات الجروح اللي معي حالة الوبال=تلوي معاليق الضماير وتشويها من العام واللي شايل الجرح حاله حال= مايقدر يشب النار ولايطفيها خصيمه حجاجه فوق عينه تقول هلال=يعاير على قلوب الوادم ويرميها ابو لبتاً من فوقها جعدها لامال=على شكل ثلجه والسحاب متغشيها تدفه هواه وينثني ثعلها الهمال=يقفيبها ريح النسايم ويدنيها تقل مهرتاً جافل تكابر من الخيال=على ارض الخفوق تلاعب الريح في ديها حصينه حصينه دونها يتعب الرجال= عليها يامكثر ناس ضاعت هقاويها ولا ياهجوسي خاوي الراس للفنجال=على الدله اللي راعي الكيف جاذيها عساها تعوض وارد وصادر الجوال= بعد ماتعثر برجها في ضواحيها |
إقتباس:
شاعرنا ابوصالح الشويلعي صح الله لسانك على هالرائعه لاجديد كعادتك مبدع ... تثبيت + تمييز ننتظر جديدك الرائع تقبل خالص الود والتقدير |
قصيده ودك تقراها حرف حرف لتميزها
قصيده جزله تستأهل التقدير والاحترام صح لسانك ولا عدمناك وننتظر جديدك القادم ابو صالح |
يابو صالح
اتحفتنا بالجزلات من فرائد النوادر صح اللسانك وبيض الله وجهك مبدع كعادتك |
اللـه عليـك يابوووصآلح
شـآعر مافيك حيله النوع هذا من القصايد بيض الله وجهك وصح لسسسانك |
وعليكم السلام ورحمة الله وبركاته
صح لسانك يا أبو صالح وأعتقد إنه لازال قلبك اخضر .... |
إقتباس:
الله الله صح اللسانك يابووو صالح واعتلا شانك قصيده في غاية الجمال واذكر اني قلت لك انت ملك الصووره الحيّه تقبل مروووري وتحياتي |
صح لسانك
رائعة |
| الساعة الآن +4: 08:54 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
