احد(ن) يجي بسكات .. ويروح بسكات = مايختلف في غيبته .. عن حضوره


واحد(ن) اليا منه حضر .. يثبت .. اثبات = انه لها .. وقت الرخاء .. والضروره


رجل(ن) يشرف في جميع المجالات = ويجتــث عرق المرجله من جذوره


بالضبط هذا .. مثل (( عبدالله سكات )) = الي عكس صوره .. عن الفين صوره


نجم(ن) تلألأ في سماء الإمارات = نجم(ن) خذا في تلك الاجواء دوره


ظهر ببرنامج هل الشعر بالذات = في شاعر المليون .. واثبت حضوره


ببوظبي .. صاغ البيوت الجزيلات = ابلاد(ن) باهلها .. والشيوخ امعموره


وهناك له بصمه .. ورسم .. وعلامات = وذكراه .. في هاك البلاد امحفوره


وان كان للشعر المقفى محلات = عبدالله بن سكات.. بيته .. وسوره


وكان السماء فيها نجوم .. ومجرات = الارض فيها انجوم .. غير امحصوره


من دار اخو مريم .. نزف التحيات = ونزفها .. من ديرة اخوان نوره


ومن ايّا بلاد لعبس فيها مكانات = ترى تحيات الرشيدي تزوره


ونقول له : من سابع المستحيلات = إنّا انتخلى عنك وقت الضروره


مادامها باصوات .. ومجاكر اصوات = ابشر .. ولا تحتاج راي .. ومشوره


ندفع .. وندفع .. ماحسبنا الريالات = ونجعل شياطين الفلوس .. امحشوره


وتوفيقنا .. بيدين رب السماوات = الله مورد .. كل شي .. وصدوره


ان اقبلت!! .. قلنا هلا.. كانها جات = وان ادبرت!! .. عبس بولدها فخوره