اقدم لكم طواريق رائعه بين الشاعرين نواف العازمي رحمه الله وراشد السحيمي
 

نواف العازمي
ياسلامي من هجوسن حاضرن ماهو بغايب=في محلن رحبوبه حرب والفرصه ثمينه
السحيمي شفته الليله ولد والعام شايب=والحقيقه ودنا بعلومكم ياهل المدينه

راشدالسحيمي
ياهلا يامرحبا بالي يسدون النوايب=صاحبي نواف دايم حاضر الله لايهينه
والله انا الراس شاب ولا تعرفون السبايب=ودك ان المحترم مايمزح الا مع سنينه

نواف العازمي
ليلنا هذا غريب اولا على الدنيا غرايب=كيف ماعينت للي يشرب الدخان عينه
انت يمكن يوم راسك شاب من كثر المصايب=ليل يلعب مع هذيل وليل يلعب مع جهينه

راشد السحيمي
مانت مخطي لا لعنت ابليس ملعون الصلايب=العرب تبغاك وانت ادور الدخان وينه
العرب في هرجهم هذا السنه مخطي وصايب=صاحبي نواف وش يفرق قريني عن قرينه

نواف العازمي
دام يارشد على راسي يهبن الهبايب=مابتلش بالمسلم اللي يتفق ديني ودينه

مشكور عل النقل

يعطيك العافيه يوسف

مشكور على نقل المحاوره الرائعه

تحياتي لك

الله يرحم الشاعر نواف العازمي واطال الله عمر الشاعر راشدالسحيمي
محاوره شعراء كبار
ونشكر الاخ يوسف الصامل على نقل هذه المحاوره وفقك الله

نقض وفتل بين شاعرين جديرين باستمتاع المشاهد ولكن لم تطول المحاورة
مشكوور اخوي بارك الله فيك