لاعاد يوومن شريت ابه الهونداي = الي مغثّي علي كبدي سنتين
مادق سلفه قبل لاشيل وياي = جراكن الماي وزيوووت البرامين
صندووقه محمله صيفي مع اشتاي = غير البرومين والماء رقم ونشين
ماغير اداريه واقصر له من خطااي = وامسحه واعّتنيبه بارد العين
وهووو ماعمره فزع مره لهقواي = اليا تهقويت به قال اصفط يمين
وقعدت ارشش علي قلبه من الماي = وحب وشفعات وامحايل محبين
حتي لـــ دوامي ليا هميت عناي = امد له قبل نوور الشمس لايبين
واقوول يالله تطوي بعد ممشاي = علي ذهيبن مايمشي غير ستين
تعبت ارقع فتووقه رايحن جاي = ولا حاصل لي حسن ممشا ولا زين
علته بالكام والدفرنس والياي = من عام الــ الف وتسع ميه وعشرين
مافيه حيله ولا ينفع معه راي = ولا يداويه طب الهند والصين
شكواي لله انا لله شكواي = يالله علي هالهونداي انك تعين
ولاعاد يوومن شريت ابه الهونداي = الي مغثّي علي كبدي سنتين

اقتباس من مشاركة كــــاتــــب (المشاركة 1506173) ما شاء الله يالقسورة الضاهر عندك اليوم العالمي للشعر ههههههههه بيض الله وجهك على هجاء الهونداي لايدري لك الشاعر الكوري شنق بنق شن هههههه