يامشاريه الوفا فوق الضلوع العوج رفي = حرك الغربي من المنشا علي الجاش ابرديه
نوها وارزامها ركز وعيا لايكفي = من حدود السيف للحره لشقرا للحويه
من طلوع سهيل وثقال السحايب ماتخفي = كل ما لاح وهدر غرمول سمت عقربيه
وارتواها هاجسن وقع الحيا برجاه يشفي = ماجرح لفح الهبوب الصلف في قارة طميه
والله اني كل مالديت باهل الطيب طرفي = ساقني من عالي المرقاب ريح الشاذليه
وارتحلت لداعي رجال الوفي منجوب حرفي = ضامرن تزمي علي شده فجوج الجرهديه
كل ماحثه علي قطع الخريمه يستخفي = لين اورده الرجال اهل الوفا واهل الحميه
بيض الله وجه ملفي بيض الله وجه ملفي = يابن صالح ماتوفيك الحرووف الابجديه
شكر طيب ابن شويلع مايجمل منه وصفي = لو عقرت اله الجمل والا نحرت اله المطيه
مير طيبك يابن صالح عن تواصيفي يكفي = بيرقن ناره من النووماس فالاشهاد حيه
والمعذره كان قافي معك عيا لا يوفي = يابن صالح ماتوفيك الحروف الابجديه