قبيلة بني رشيد - غربه الروحححححححححححححححححححح

يا وقت لك وقفات ما بين الأصحاب
دايـم وغاراتـك عليهـم جـريـه

ترسل بسهم الموت والموت لانصاب
وسط الجـروح المبطيـات النديـه

انت السبب لو جيت اميز في الأسباب
مابين تفريق الخـوي عـن خويـه

وانت الذي خليت صاحيـن الألبـاب
مشتتيـن افكـار صبـْح وعشيـه

وأنت الذي صكّيت في وجهي البـاب
وبْردت عزومي عقب ما هي قويـه

صدمتني صدمة وانا خاطري طـاب
أنت السبب وأنـا حياتـي ضحيـه

خليتنـي تايـه للأوهـام طــلاّبّ
وردتني بالعشـق حـوض المنيـه

عرضّت نفسي للمشاكـل والانشـاب
في رحلة مـا بيـن هـاذي وذيـه

كني غريبا جالسـاً بيـن الأغـراب
غريب روح ولا عرف لـه قضيـه

وغيّبّت عني واحد مـا بعـد غـاب
ذكره ولا حصلت في النـاس زيـه

أنا بغيابـه خافقـي راح وانصـاب
ما اتحْمـل غيابـه وليفـي شويـه

في غيبته جتني هواجيسـي اسـراب
وفي حضرته هبـت هبـوب عذيـه

الصاحب اللي له رهيف الحشـا ذاب
معطيـه شعـري والقصايـد هديـه

ظنيت ظني فيه والظـن مـا خـاب
واثـر الوفـي دايـم فعولـه وفيـه

هو صاحبي ما بين ربعي والاقـراب
هـو متعتـي لا مـر طيفـه عليـه

حبه غرام ما انكتـب داخـل كتـاب
وعشقـه اذيـه يـا حـلاة الاذيـه

كله نظر ما بين عينـي والاهـداب
وكله حـلا وسـط العيـون الشقيـه

اشلون يا وقت الشقا جبت الاسبـاب
وغيّبت هذاك الخـوي عـن خويـه
ماراق اللي من القصيد