قبيلة بني رشيد - قصيده,, محمد بن محيميد, ورد,, موسى عمران

قصيده موجهه من الشاعر /محمد بن محيميد الرويضي الي الشاعر/ موسى بن عمران الرشيدي..
============================== ===========================

ياراكب اللـي للجراهيـد سهـاج=جيب يقـرب مبعـدات المداجـي

تسعه مع الالفين صنعه والانتـاج=ماداج في وسط الورش والحراجي

ليا نطلق مع خايع تقـل ميـراج=تقـول كنـه للخضيـرا يناجـي

يمشي صلاة الصبح والنور منباج=عليـه قـرم بالحكـي مايجاجـي

ملفاه من صيته بوسط العرب راج=موسى ولد عمران طلق الحجاجي

تلقى معاميله على جمـر وهـاج=الضيف يذبح له سميـن النعاجـي

سلـم عليـه إعـداد مادايـج داج=وعداد ماتطبـع كروتـالزواجـي

قلة ترى محمد لفزعتـك محتـاج=يشكي عليك الحال ماهي مناجـي

لي صاحب ماحط بالوجه مكيـاج=هو جرح قلبي وان لقيته علاجـي

لو للبشر يوجد مزاين خذا التـاج=عليه وجدي فاق وجـد العواجـي

أبـو ثمـان كنهـن بـرق لعـاج=في ليله ظلماء ولا بـه سراجـي

مثل السحاب لينتثر مـاه ثجـاج=دمعي نزولـه لاطـرى بندراجـي

لولا ضلوعي تمسك القلب كد ماج=كفخ مثل طيـر بوقـت العجاجـي

وكبدي منه تقول تشوى على صاج=حتى قراح الماء عليهـا هماجـي

لمن طرالي نوم الاعيـان مـالاج=أنا اشهدني منـه مانـي بناجـي

سكر علي البـاب قفـلا بمـزلاج=وأنا سجين الحب وارجي انفراجي

المشكلة عندي وكنـه وراءالعـاج=مافادني هرجي وكثـر احتجاجـي

صابر وهمي شايله كنـه سـواج=لولا الامـل والله ماكنـت اراجـي

أنا نصيتك يوم ما شفت مخـراج=وارسلتلك شكواي مالـي خراجـي

============================== ===========================
وإليكم رد الشاعر الكبير \موسى عمران الرشيدي...

يامرحبا وإعـداد ماحـج حجـاج=طاف وسعـى لله خايـف وراجـي

اوعد مايصفـق محيـطً بالمـواج=هبت عليه الريح والمـوج هاجـي

برسالتن فيهـا جزيـلات الانتـاج=درن بغبـات المحيطـات لاجــي

من شاعرً ياخذ بالاشعـار منهـاج=طاويه من حب العـذار الخلاجـي

يامحمد محيميد من غير الاحـراج=عطني خبر عاجل بوقـتً مفاجـي

إسم ولي الامـر والامـر يحتـاج=لدراست إنفوس العرب والمزاجـي

وانا علي يمناك وبشـر بالافـراج=بالجاه والا المال كسرت زجاجـي

وعسى السعاده والفرح بين الازواج=ومن فرحت محمد يزيـد إبتهاجـي