|
هاض الضميـــــــر
بســـم الله الرحمن الرحيــــم 655bani-3abs هاض الضمير وقلت بعض التعابير من هاجس ٍ زين المثايل قصدهـا ماني موجه ماطرالي على الغيـر وربعي نهار الضيق كلن حمدهـا لي لابةٍ تبيـن وقـت المعاسيـر مثل الحرار اللي ينومس هددهـا الكل منهم مايجـي منـه تقصيـر عزالجماعه في اللـزوم وسندهـا بني رشيـد منزحيـن الطوابيـر اللابـه اللـي ماتخـون بعهدهـا ريف الطروش ليا لفتهم خطاطيـر وعز الرفيق وعز منـو قصدهـا ربعي نهار الضيق ربعن مناعيـر كم فزعةٍ بالضيـق بيّـن سعدهـا هل فزعةٍ تبعـد جميـع التفاكيـر ولاتلحق القلب الحسوفـه بعدهـا حنا مع اهل الدرب مانخلف السير لونجتهد تبقـا الصداقـه وحدهـا نذكر هل المعروف والطيب بالخير وقفة هل المعروف محدن جحدهـا وربعي ارجالن ماتجيب المعاذيـر في عزم نفسـن ماتـردا جهدهـا ومن قام فالماجوب من غير تقصير لاينثني يـوم الطويلـه صعدهـا وان حالت الاسباب هي والمقادير محدن يتـل اللـي يبيهـا بيدهـا والعاقل اللي ياخذ الشور ويشيـر خـلا سبيـل المقفيـه ماطردهـا كلـن يبـي والله عليـه التدابيـر سبحان ربٍ كـل خلقـه رصدهـا ومن عاش بالدنيا يعرف المعابيـر ويجهل بها كان العرب مانشدهـا تقبـل لياليهـا ونوبـن مدابـيـر ومن خالف الايـام نفسـه قردهـا دنياه مادامـت لناسـن مشاهيـر كلن يمـوت وغايتـه ماوجدهـا وحنا بنعمـه والدعـاوي تياسيـر بلادنـا كلـن عليـنـا حسـدهـا الشعب عايش في معـزه وتقديـر وكلن بنـوْ الخيـر نـاره وقدهـا وعلى العدود الناس ورد ومصادير بأمن وسلامه من بغاهـا وردهـا بلادنـا حنـا عليهـا نواطـيـر وفيها نضد اللـي حبالـه عقدهـا يالله عسا تدوم مـن غيـر تغييـر ولعلهـا فـي زود محـدن فقدهـا وعلى النبي عداد ماغـرد الطيـر صلاة ربٍ كـل مسلـم سجدهـا |
عبدالله
خــــــآآآآآآآآآآآطرة ذووووق لاعدمت طرحك الله يسعدك |
شكــــــــــــراً ...
thank ..man |
يعطيك العااااافية
تقبل مروري |
شكراًً على مرووورك ..
|
مشكوررررررررررررررر الله يعطيك العافيه
تقبل تحياتي ذيب الوســــــــــــــــــــــــــــــــــــــــــــــ عــــــــــــــــــه |
ابو فهدة شكرا على القصيد الجميل
|
| الساعة الآن +4: 05:11 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
