|
وان ماسمعت اخبار عن كل غايب ** يمكن بجده والسيول اغرقتها
قال الشاعر / سليمان مسلم المظيبري الرشيدي نشدت يامشعل جميع القـــــــرايب # # عنها ولاجاني خبر من جهـتها بذلت مجهودي ولانيب هـــــــايب # # حسبي على الايام كان اجبرتها ذليت من شانه كـبار الصعـــايب # # ومور واجــد ياولد ماخـفــتها وش عاد لون خاطري منه طايب # # بقلبي يامشعل بقت منزلتــــها وهذا مرد الشاعر / مشعل منصور المظيبري لاعاد تنشد ياعطــــيب الضــرايب # # راحت طرات ايامنا وثمرتـــها عش واقعك مابين مخطي وصايب # # واسمع وخاطب كل ناس بلغتها ولا ان بحثت بمبطيــات الحقــــايب # # تذكرك من مانت في ذاكرتــها لكـل شــي مسببــــات وسبــــايب # # شيئا يخليها تطير اغبرتـــــها يحول من دون الحــــبيب الحبــايب # # لو تستعيد الذاكره فرمتتـــها مير الصــبر والبـــوح ماهو بجايب # # كم ناس بوح اسرارها مانصفتها وان ماســمعت اخبار عن كل غـايب # # يمكن بجده والسيول اغرقتــها دنيـاك هــاذي كلبوهــا عجــــايب # # يكفيك ظاهرها عن اللى تحتها لاكن تغـانم مـــــابقي وانت شايب # # واطلب من المولى حسن خاتمتها وان كان يـاسليمان مـــانته بتـــايب # # ماحشت بالدنيا معك باخرتـها 3 |
الله قصايد رائعه
|
الله الله
لله درك على هالمساجله الراائعه والجزله لاهنت وبيض الله وجهك ووجه صاحبك |
صح السااااانك ابن صقعان
ع نقبل المبداع تقبل مروري (سلطان الغريب) |
العووضي
ذيبان سلطان الغريب ِِ اسعد الله اوقاتكم بكل خير ومشكورين ع المرور والاشاده لاهنتم وبيض الله وجيهكم تحياتي للجميع |
الله روعه
بيض الله وجهك ولاتحرمنا يابن صقعان بالقصيآيد اللي مثل هذي ولاحظ الاخطاء الملائيه عندك بيض الله وجهك ويسلم راسك |
ولاحظ الاخطاء الملائيه عندك
بيض الله وجهك ويسلم راسك |
صح لسان الشاعرين
وبيض الله وجيهكم امتعتونا بهذه المساجلة \ |
| الساعة الآن +4: 10:46 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
