قبيلة بني رشيد - ابن عتقان وملفي المورقي

خلووووووووووووووووه
عــــبـــدالله عـــتـــــقـــان :
يامـن يوصـل إلـى ملفـي تحيـات .... وأحلـى سلامـي ووردة نرجسـيـه
الليلـه الملعبـه فيـهـا مطـبـات .... كـل يناظـر بعينـه فــي خـويـه
مــلــفــي الــمــورقـــي :
دام التحيـات وصلـت منـك بالـذات ,,,, عبـر المراسيـل لا ترسـل علـيـه
الملعبـه طيبـه فـي كـل الأوقـات ,,,, وإن صـار ماصـار لحظـاتٍ شويـه

عـــبـــدالله عــتــقـــان :
أقلوبكـم وسطهـا يانـاس حاجـات .... لـو إن ضحكاتكـم ماهـي رديــه
هـذا كرهنـا علـى شـأن العلاقـات .... وهـذا كرهنـا بـدون أيـا قضـيـه

مــلــفــي الــمــورقـــي :
الـوقـت دوار والدنـيـا مـزاجـات ,,,, هــذاك رد إعـتـبـارٍ للقـضـيـه
لاتحسبك مشغـل الأحيـا والأمـوات ,,,, ياهيـه هرجـك هـذا مالـه دعـيـه

عـــبـــدالله عــتــقـــان :
أجـل مزاجاتكـم مثـل الخـواجـات .... عنـد الدراهـم يبيـعـون الحمـيـه
ياملفـي المورقـي هيهـات هيهـات .... ماني لكم يأبيـض الشـارب ضحيـه

مــلــفــي الــمــورقـــي :
الحضرمي مايعيـش إلا مـع القـات ,,,, لـولاه ماصـار لـه روحـه وجيـه
مانـي بتـارك ليـن أتهيـد وتبـات ,,,, يالشاعر اللي عطيـت اللسـان حيـه

عـــبـــدالله عــتــقـــان :
يازينـكـم فالحـكـي والإتهـامـات .... وتعـذربـون السـيـوف النافعـيـه
النـاس ياملفـي الروقـي مقامـات .... والله ماتعـمـل كثـيـر ولا بلـيـه

مــلــفــي الــمــورقـــي :
بعض العرب لا فعول ولالـه أصـوات ,,,, مغير فـوق الجبـل صبـح وعشيـه
حاضر دروسي ودرسي فايـتٍ فـات ,,,, خـلاك تاقـف وتضـرب لـي تحيـه

عـــبـــدالله عــتــقـــان :
يا رأس ملفي من الضربـه سلامـات .... كلمتـك هـذي صغـيـره عايـديـه
كان المدرس نسـي رصـد العلامـات .... أكيـد جالـه مـن الطالـب خطـيـه

مــلــفــي الــمــورقـــي :
أحدٍِ يخلي الجمـوع أقسـام وأشتـات ,,,, وأحـدٍ يـدور بـراد وزيـن فـيـه
زيـن علومـك ونقبلهـا إذا جــات ,,,, والنـاس ماتجـزي الحسنـه بسيـه