قبيلة بني رشيد - رشيد الزلامي وتركي الفين

تركي الميزاني
ألا يارشيد الليل ما فيه مقعـاد .... ترى السالفة بيني وبينك طويلة
عليكم خيال ٍ فيه بارق ورعاد .... يبي يسقي الوديان ويسيل سيله
رشيد الزلامي :
ياتركي تراني ضيف في حلّة أجواد ,,,, علامـك تولعهـا بخشـم الفتيلـة
أشوف الخيال وقدمه الثعـل ينقـاد ,,,, ولامرّني وأنا من العصـر أخيلـه
تركي الميزاني :
ترى صاحبك مايرخص الملح والزاد .... ومثلـك بعيـر ٍ للحمـول الثقيلـة
على العدّ يابن روق مصدر وميـراد .... يبي يشرب الظامي ويملى صميلـه
رشيد الزلامي :
أنا ادري ان فيه علوم وأقمار وأرصاد ,,,, وقنوات كـذب ٍ كـل علـم ٍ تشيلـه
عتيبي وأعرف مطير لكن وش عـاد ,,,, قبيلة وحنـا أشـدّ وأشـرس قبيلـة
تركي الميزاني :
ترى للحقيقة يا أبيض الوجه ميعاد ..... وكـل ٍ شـداده مايـدور بديلـه
ترى الحجة اللي ماتثبت بالأسناد .... تضوّي عليكـم ياعتيبـة فشيلـة
رشيد الزلامي :
أنا أشوف تركي يسبر الضلع من غاد ,,,, ولا أدري هي التقليد وإلا الأصيلـة
يذوب الحديد ليا لقـى شغـل حـدّاد ,,,, وهـداج تيمـاء ماتغـطّـه نثيـلـة
تركي الميزاني :
أنا يالزلامي واضح ٍ فوق الأشهاد .... ولا أدسّ راسي في حصاة ٍ ظليلة
وألا ياوجودي ليت الأيام تنعـاد .... وتصبح مبارز بالسيوف الصقيلة
رشيد الزلامي :
تريّح ياتركي ما عن الموت مِشْراد ,,,, حرام ليجيك المـوت وإلا تجيلـه
عسى الله يديم الأمن والشر لاعاد ,,,, ولو جات روَّح تركي .. الله وكيله
تركي الميزاني :
ليا مت مثلي فيه بعيـال عبـاد .... يكسر يدينك عن عنان الأصيلة
لياليك يالطيّب مادامت للأسياد .... وخشم الزناد ينوش خشم الفتيلة
رشيد الزلامي :
عرفنا ولد غانم وعنتر وشـداد ,,,, ولا أقول حمران النواظر ذليلة
لكن المطيري ماينوّي بمسنـاد ,,,, حدر والحظير مقرّط ٍ في شليلة