قبيلة بني رشيد - محاوره بين الشاعر عيد بن مربح ورجا الله الحربي

السلام عليكم ورحمة الله وبركاته:

هذه محاوره بين اسطورة الشعر عيد بن مربح الرشيدي والشاعر رجا الله الحربي واتمنى ان تنال اعجابكم واليكم هذه المحاوره

عيد بن مربح

يامرحبـا بضيوفنـا اللـي شرفـونـا بالـوقـوف=والنـاس عادتهـا ياطرقـي ماتخـلـي اسلومـهـا
عيني تطالع يارجالله مير مدري وش تشوف=وان عدتـهـا والله لازودكــم واغـلـق سـومـهـا

رجالله الحربي

تسلم وتبقى ياولد مربح معازيـب الضيـوف=وانـا ليـا جيـت العـرب عيبـن عـلـي ألومـهـا
انا خويك في طريق الخير وأحدود السيوف=والا العلـوم الثانـيـه غـابـت عـلـي انجومـهـا

عيد بن مربح

تعرف ظروف الملعبه مابين خاطف وأمخطوف=وأضيوفـنـا اللـيـلـه عـلـيْـه وارمـــات أخشـومـهـا
فريـتـهـا بسنـونـهـا وأليـنـهـا حـــول الـنـصــوف=يــارب لاتـحـرم قـلـوب أهــل الـهـدف مقسومـهـا

رجالله الحربي

تاريخك اللي من قديـم الوقـت ياعيـد امعـروف=والنـاس لـو خلتـك فـي كيفـك نهـبـت اقسومـهـا
تبغـى تربـع بالشـداد وزيــد حـطـك بـالـردوف=ومن الزعل تشمت ضيوف البيت قبل اعلومها

عيد بن مربح

تاريخنا غصبن على الحساد ياعيون الكسوف=يوم أن بعـض النـاس ضيقتهـا تزيـد اهمومهـا
قبله يبين الكيف وأنت أتمز من شين القطـوف=ويـوم المغـازي كـل قـوم امفسـريـن احلومـهـا

رجالله الحربي

ياعيد فيك الخيـر لاكنـك مـن الخيـر أمخفـوف=وام الكبـايـر مــن مصيبتـهـا تـشــق اهـدومـهـا
أليا خرب موترك وقف بـه وركـب لـه بلـوف=وان خرطمت لك رز مشعابك على خرطومها

عيد بن مربح

حذفنـي الحـذاف لاكنـه يـحـوذف وأمـحـذوف=وانا الجنايز من فضل ربـي ماحـب ألحومهـا
يقول لك راعي المثل يتفاهمون أهل الشفوف=تـرى القـراده نوخـت سـوم الـقـراده سومـهـا

رجالله الحربي

ياصاحبي مشلحك فيها خيط قطن وخيط صوف=والـقــوم ناشـبـتـن طعـامـتـهـا عــلــى حلـقـومـهـا
انــا عـلـى المقفـيـن لوحسـفـت مابيـلـه حـســوف=الـورد يحصـد ورد وأهـل الثـوم تحصـد ثومـهـا

عيد بن مربح

السالـفـه طافـتـك ياشـاطـر ولاحسـبـهـا تـطــوف=وانـا الصقـور اعـرف مواريهـا بخـلـق أزقومـهـا
وش هو مصيرك يارجالله كان صفقت الصفوف=يـارب تستـر عـورت الاجــواد وســط أهدومـهـا

رجالله الحربي

ماطافني علمك لاكن انت ماتقرى الحروف=حتـى عراويكـم ليـا مـرت قـريـت أرقومـهـا
ان كان بتعمر ومن ضيقتك صفقت الكفوف=أسجد لوجه الله وصوم اربع ليالـي صومهـا

عيد بن مربح

ياصحابنا ياللي تحطون الرسايل بالـزروف=مالـي ومـال الدولـه اللـي مانـجـح مرسومـهـا
أنـت تبيهـا يـارجالله ميـر حدتـك الـضـروف=كون ادمي معك ادمي وأحفظ برمي أسهومها

ولكم خالص التحيه
عبدالمجيد الرشيدي