قبيلة بني رشيد - انـــا بدوي

بسم الله الرحمن الرحيم

السلام عليكم ورحمة الله وبركاته

قصيده أرجو ان تنال اعجابكم

مابلت الدنيا ضما ناشـف الريـق
ولابـان بـوجيـه الرفاقـه رفاقـه

قل للرفيق الي حدانا على الضيـق
لابـوه عـرف ولعـنبوهـا صداقـه

فالصوت نبرات التعاسه مواريـق
يـامـن يـرد العلـم لهـل العلاقـه

ويـقـول مـال الحـر غير الشواهـيـق
لوتعشق سبوقه ثرى ارضه عشاقه

وحنا لو ان الهـم فينـا طواريـق
نكسر على خطواتنا عظـم ساقـه

ماننشد الونه عن اقصى المعاليـق
والهرج نعرف غايته مـن سياقـه

واليا غدى المعنى سوالف واراويق
مانــنـشــد الـحـلاق فـن الحلاقـــه

كم جملة فيهـا المعانـي تفاريـق
تقلع مدى مـن لا تمنـى فراقـه

قم جر صوت معوكسات الطواريق
الـمـوت واحـد والحماقـه حـمـاقـه

ومدام شـمسي تنقري فالمشاريـق
مااقول مالي في عنا الوقت طاقـه

ولاني بمن يغفيبه الوقـت ويفيـق
انـا بـدوي تكفيــــه حنـة نياقـه

اخوكم عزااام