قبيلة بني رشيد - ｡◕｡¤§ دخـيل آلله يآ حآيـلَ §¤｡◕｡

دخيـل الله ياحايـل ابـي أسبـق دمـوع العيـن
وأبسأل : لو رحل عنك أحد يغليـك .. تنسينـه ؟!

أحد عاش العمر شاقـي عشانـك بـس ترتاحيـن
يشـوف الراحـه بحضنـك اذا جيتـي تضمينـه

أحد عمره على شوفك من أول مارحـل .. للحيـن
على كثـر الأماكـن مالقـى غيـرك مـلا عينـه

كتب أجمل قصيده في عيونك مـن قبـل عاميـن
ولازالـت علـى مـر السنيـن أجمـل بساتينـه

كتب (ودعت حايل) من بعد هاك الـوداع الشيـن
ولا جاله أحـد يمسـح دموعـه (غيـر كفّينـه)

خذا مده وهو يـزرع أمانـي ./ والأمانـي طيـن
ولاحصّل مـن غيابـك (أمـل) يسقـي شرايينـه

تعالي شوفي / طعون الغياب / ومضـرب السكيـن
تعالي وأحكمـي / وأنتـي لـك عيونـه وغالينـه

تعالي يابلد (أمـي) (وأبـوي) وموطـن آلغآليــــن
تعالي بـس .. وأنتـي لاحضرتـي لـه تداوينـه

مطر غيم ٍ سقى صدر الجفـاف وسيّـل النهريـن
حيا عشبـه علـى مـد النظـر وأنتـي تخبرينـه

أمانه عـاد ياحايـل ابـي منـك جـواب الحيـن
ترانـي عايـش ٍ عمـري علـى كلمـه تقولينـه

أنا .. وافي معك وإلا مقصر ؟!! وأنتـي تشوفيـن
رخص عمري علـى دمعـك ولافكـرت بسنينـه

دخيلك ياثرى حاتـم أبـي أسبـق دمـوع العيـن
وأبسأل : لو بدر سافر ؟! أو أنه مات تنسينه ؟!