ياعقيد النجايب صاحبك قسوره = كل ماساق زمله لانت في دربها
ماسرح مرةً مداد فأباعره = غير عرض لها شاوي وفكربها
الماجاهيم ماهي ياخلف مغتره = وش بلا عينك الي ما تناظربها
ياخلف لون راس مليح وش تنظره = لابليت العيون الي تبحربها
مابك امن العقايل يالنقيص شعره = ابك راع البويضا مايخاشربها
نادرة عوص الانضا كنها الجوهره = انت تفخر بها والليث يفخربها
واما انا زملي العقيل مانتكره = ولاتعرض وراعيها الاسد دربها
ول لاعاد اخوو وضحا ولا فطره = يوم مرت زواملنا وقصربها
وردوها حيام وراحت مصدره = ماعدت في قراح ام القري شربها
تهترش وتواكل غيظ مستسعره = بعد قب الهدير وزايلت قربها
شربت حيامها وابطونها مظمره = واستكنت وجظت من عنا كربها
وصكت جنوبها بجنوبها محدره = ماتقدم بعير ولا توخربها
كنها في يدين الشاكرين اعشره = صف كفوفها تشكر ثنا ربها
هجهجت مع مغيب الشمس مستنفره = والحتايف شماليها ومن غربها
كل ما حدها ضف الجبل تدحره = لين عنها الحتيفه ينقلع سربها
العراقيب سالت والسبيل احجره = طاوعت قلة مليحان وادهربها
ذبت الحزم والدمان متنثره = كل ماحولت في قاع تثربها
لين بانت علي المشراف متكدره = ليلها اوحش وناب الخوف كشربها
واستدارت علي مليحان مستبشره = كل مااستنشق الغربي تعبربها
لين لاح البشير ودرهمت تنحره = مدلهم الخيال الي يبشربها
وول لاعاد اخووو وضحا ولافاطره = يوم مرت زوملنا وقصربها

اقتباس من مشاركة خاتم سليمان (المشاركة 1422182) الله يالشاعر قسووووووره قصيده طويله تشكر عليهاااا .... تقبل مروري...

اقتباس من مشاركة الاســد (المشاركة 1422393) صح السانك بارك الله فيك يابن عمي قصيده جزله من شاعرجزل تقبل تحياتي