قبيلة بني رشيد - مديت دربيلي

امس الضحى في عالي الرجم عديت
ومديت دربيلي على دار الاحباب
وساعة لمحت الدار للزين ناديــــت
ورميت دربيلي على حجر وتراب
وصفقت بالكفين حسره وونيـــــت
وقامت دموعي فوق الاوجان تنساب
طرت علي ايام فيها تــــخاويــــت
مع واحدن لمشاهده خافـــــقي ذاب
والعين شاقتبه وانا به تشـــــــقيت
وابديت له عن رغبتي به والاعجاب
وبالحب لي مد بيمـــــينه ومديـــت
يمناي وله القلب شرع بالابـــواب
غرون معه قلبي تولع وله جيــــت
كلي وهو حظي بدربي بها جـــــاب
جاني بميعاده وانا فيه حييـــــــت
وجلست انا وياه لين القــــمر غاب
ساعة زمن مع باهي الخد ظليــت
في قربها زان السهر واللقاء طاب
واخذت منها مطلبي لين عليــــت
برضاه ماهي بالغصــــيبه والانشاب
وكلن بعد ماصار روح على البيت
وان نمت لاحت صورته بين الاهداب
معها حوالي عام بالحب قضيت
ماكنها الا وقفــــــتن بيــــن الاعتـــاب
واقفى وانا عن داعج العين قفيت
فرقى جرت مااحدن لها حاسب احساب