ابي اكتبها قصيده قصتـي واسمـي العنـوان=(يموت الحب والرجـال مـا ينـذل مـن شانـه)
وبكتبهـا نهايـة حـب وكتبهـا عشـان وشـان=قلـوبٍ دمهـا ينـزف غـلا مـع نـاس خوانـه
عشان اللي يمر بتجربـه مثلـي مـع اي انسـان=يعرف انه سبقه انسـان شـاف الغـدر بنسانـه
حكاية مع حبيبه آسف اقصد سابق الازمان=قبـل لا ينهـدم صـرح الغـلا وتهـد سيسانـه
من اول يوم قلبـي لـك مكـان لحالـك السكـان=قسم بالله معـك اقعـد ونفسـي شـوق عطشانـه
قسـم بالله ماغيـرك بعينـي اي شخـصٍ كـان=قسـم بالله كنتـي فـي خفـوق القلـب سلطانـه
هذاك اول ماهو هلحين يعني كان يامـا كـان=اشوفك في عيونـي كـل زيـن الكـون واللوانـه
وهلحين اكرهك كره العمى ما السالفه نسيان=مثل ما يكره المسجـون شوفـت وجـه سجانـه
قهر لمن كشفت ان الحبيـب اللـي تحبـه خـان=مصيبه ينجرح قلـب الرجـل مـن كـف خلانـه
قسم بالله صرتـي فـي عيونـي كنـك الشيطـان=بلحظة ما كشفـت انـي عطيـت الحـب خوانـه
الا سبحـان مـن بـدل غـلاك بكـره ياسبحـان=له الحمد ولـه الشكـر العظيـم الـرب سبحانـه

ابي اكتبها قصيده قصتي واسمي العنـوان (يموت الحب والرجال ما ينذل من شانـه

الشاعر/ احمد عبيد البويدي
صح لسانك على هذه الرائعه الشعريه
تقبل تحياتي وتقديري

اقتباس من مشاركة هـآوي (المشاركة 1413739) الله الله عليك بصراحه مبدع ورائع مشااء الله عليك