قال الهمام بعيد عن صوت الاعلام = لأنه قريب لكل ساجد وصايم
لوكثرت احداث الليالي والايام = تصغر بنظرات العظيم العظايم
ياسيدي ماغيركم فيه حكام = فيكم يكون العدل للناس قايم
يافخرنا ياذخر الأمه والاسلام = بالحق ماتخشون لوم اللوايم
شف كيف دونه يلتغي سو الألغام = السوء طيرا"فوق راعيه حايم
سلمت من هامة سموك للابهام = ونار العدو شبت بأهلها ضرايم
اخطاك سوء اعداك والا انت مقدام = مهابتك تودع جثثهم قسايم
هل يعلمون انك على رؤس الاخصام = امضى من الفيصل بحد الجرايم
بالناس من يضلم وبالناس ضلام = مير انت ميزان العدل للضلايم
من شيمتك همك حيات ام وايتام = واشغلت بالك واكثر الناس نايم
خليت حتىمشغلا"باله ينام = لعيونهم ترقب عيون الخرايم
انت اللذي لمفرق الشمل لمام = والجرح يسكن ويهدى ويتلايم
ماغيركم ياسادة الحكم حكام = الله جعل بيديكم الحق دايم
خيرا"على الأمه وعوننا للاسلام = وشمسا"تجلى عن وطنا العتايم
كادووهموواستحت منك الالغام = ومولاك عرض غدرهم للهزايم
سوء النواياءمالها اوزان واحجام = روسا"تغطى الاقبيه والعمايم
خيلا"بليلا" مالها سرج والجام = ترمح قوايمها بالاخرى قوايم
البس وسام مؤسس الدوله وسام = حفيد رمايا" له المجد رايم
اللي عمر دار اليمن وأمن الشام = مافاوضوه مفوضين الشتايم
نعم الأمام وبالميامين الأمام = مايمهم من باب خفض القسايم
الا دهر غابه حواء كل ضرغام = ورد وحزم روس الافاعي حزايم
وعن الجديد اللي بعث ماض الايام = عن التوالي باعثات القدايم
يوم العرب مابين هازم وهزام = يوما"روس الشلف منها الغنايم
سجلت من مأخفيت في زاج الاقلام = من بحر فكرا"داخل الجاش عايم
فكرا" من محمد هبتله انسام = غنا وصور ماضيات العظايم
اشتقت لمرافق سموه ولاألام = ورجلا مايفخر فيه مثل البهايم
بناي يوما" اكثر الناس هدام = لياهاب باللقوه ضعيف العزايم
بنيا" تعلاءفوق في عال الاعلام = بربع المسيره عن مقر النعايم
ولاهي غريبه مافعل ماهو ختام = هذا رصيده من قديم العلايم
جده زعيم العرب في ماض الاعوام = عن مايعيبه قزر العمرصايم
هو نصرة الاسلام وزبن من ظام = لاطقن الزغروت سود العمايم
يالله تديم اللي عن الطيب ماشام = ولأخلف مسيره عن مسير القدايم
قابل ماهاب الموت والناس صيام = ولاحسبت نفسه لدفع الغرايم
يمناه تحكم على اعداه الاعدام = ومن دون عز الدارللموت رايم
سلام من هامة سموك للابهام = ونار العدو شبت بأهلها ضرايم
اشتقت لمرافق سموك والاألام = رجلا مايفخر فيك مثل البهايم
اقولها واقسم على قولي اقسام = اني على خوه سموك مهايم