قبيلة بني رشيد - زود غرورك

القاك مره في غيابك وازورك
والقاك مره في حضورك واجافيك
والقاك دايم في تباهي غرورك
يحق لك داري غرورك محليك
ما عاد ابي من زود قلك شعورك
انت الكثير الي قليلك زها فيك
رح قرب اكثر بس واجهر بنورك
ما صرت احبك بس للموت اخاويك
نخوه قطيعه والف مسرح ودورك
فيها البطل زولك وصوتك وطاريك
لا لا تجهم زي باقي حضورك
لا تبتسم وازعل واجافيك واجيك
انا ترى واقفه على باب سورك
اطرق سموع الوجد من بحر هاديك
الملم اصدافك والملم عطورك
ابلشت ذوق الذوق ماهو موفيك
ياما انكسر طيب الهواء من بخورك
استنشقك مرضان واقبل يعاديك
صار الهواء ضدك وبيبان دورك
يصفق بها ولهان لمعانق ايديك
يبغي يسمم من قراحك جذورك
وامسى قراحه ماه يظمى مظاميك
وشلون هذا حال منهو غيورك
لاشارب موتك ولا الموت محييك
ابا اتربص في مسالك مرورك
نصف الشهر عينك ونصفه محاريك
بس اوعدك بالقاك وماني بازورك
والقاك دايم في حضورك واهنيك
لانك قريب وجالسا في قصورك
فيها غلاك وحاضرك لي ماضيك
دايم تباها زيد زود غرورك
يحق لي افخر اذا هو محليك

عبد الكريم الطيار