بسم الله الرحمن الرحيم
السلام عليكم ورحمة الله وبركاته محاورة أخذت لها أبعادها اللامتناهية
جمعت بين الشاعر القنبلة
خاتم سليمان وهامور الشعر الشاعر
أحمد عبيد الهنيدي
خاتم سليمان
سلام من راس عبسي وقفته فوق المواقيف=ياعزوةٍ لا أعتزت في راسي تحصّل سعدها
بالعزّ اوقّّف وأقص الراس والاعناق مثل السيف=وأهل الحسد روسها صلعاء ويفلقها حسدها
أحمد البويدي
يامرحبا الأرض لا ترقى على رووس المشاريف= الأوله بينت والله واعلم وش بعدها
ياهب يا هاالولد حلمه كبير وعلمه مخيف=من قو باسه لاشاف الجمه الزرقا ء وردها
خاتم سليمان
النجم فوق السماء يدل رعيان الغنم والضيف=والاوله تطلق الوجه وتعقّد من عقدها
الدرب شيخٍ مايظلم من مشى به يالملاقيف=واللي من الجمه يبرّد على كبدك جهدها
أحمد البويدي
إن كان هذا العطا مدتك والله مدت ضعيف =عزي لمن دور الحاجه ولكن ماوجدها
الدرب قدام وتبين الحقيقه للعواريف= والنعمه ادوم ياخاتم لمخلو ق ٍ حمدها
خاتم سليمان
يامكبرين العلابي في خياش البدو و الليف=لاجبت حجّه أشهدها على رجلٍ جحدها
ياحظ من طاح في شاعر شعر ماهو سواليف=ياعبس منهو على خشمه تحلّّب من نهدها
أحمد البويدي
بينت من بيت شعرك باالمعاني والتواصيف=من قوم تتبع مسيرة قوم وتمجد ولدها
إن كان عندك خبر باهل الأصايل واهل الريف=القافله ليه ما راحت مع الطرقه وحدها
خاتم سليمان
لاتقصّ في جرتي يلحقك يالعبسي تحاسيف=انا ولد عبس وعيون الرمد زايد رمدها
القافله كنّها رحلة قريش ... البرد والا الصيف=من فوقها مزنةٍ تبرق ويفجعها رعدها
أحمد البويدي
ماني بقصاص جره وانت خلك بطرف السيف=لا تلتفت باالجبال اللي تذري في صددها
ياللي تخيل الحيا فوقك من الوسمي مراديف=إفتح فمك للسحابه وإلتحس صافي بردها
خاتم سليمان
يااحمد انته تفرّق في مفرّقة المواليف=والجم يرجع مقرّه والحجج عندي سندها
ياليتني من بريدي ما فتحت احدى المظاريف=رسالةٍ فارغه في مخ راسي ما اعتمدها
أحمد البويدي
مايعرف الكيف غير اللي يعرف البن والكيف=وبيوت عبس العريقه مارفعها الا عمدها
ياليت ماعاد تبني بيت حفظة داخل ارشيف=سلامتك والخلايا كم في راسك عددها
خاتم سليمان
كسرت بيتك وبيتٍ كسر مايدخل به الضيف=ترى الجنازه تكرّم يالقلادي في لحدها
ترى القوي ماضعف ياغير بعيووون المضاعيف=راسٍ ماحب الثرى ما لدّ لضعوفٍ جلدها
أحمد البويدي
ماقدمك إلا العنا واصرف لك من بنوك بجنيف=وإن كان واصلت بشر نفسك القشرى بنكدها
إن طعت شور الجلادي مالكم مخرج وتصريف=مجنون من طاول بحور ٍ ولا يلحق مددها
خاتم سليمان
لا والله إلا وتبشر بالقشر فوق التكاسيف=صرفت عمله وبنك النقد من صرفك نقدها
ليت القلادي نصح راس القلادي بالمعاريف=يبا يتعشى رجالٍ قد تغدت فيه يدها
صح لسان الشعراء وبيض الله وجههم
تنسيق
سي لايف
