بسم الله الرحمن الرحيم
السلام عليكم ورحمة الله وبركاته
حيث تتواجد الشبح بكابتنها وذخائر مفردات القصيد نجد الابداع والثراء في المعنى حيث محاوراتها التي تتسم بروح التحدي ويغمرها جو الدعابة ويسودها الجمال فهي تعتلي أقوى الدرجات من حيث تصنيفات القوة والامتياز
فكيف لا ؟؟ فهي بقلب صادق تدافع عن قضية سامية إلا وهي مصلحة المحاورة ، وهذه المرة سرنا وبكل فخر لقاء شيق ورائع جمع أبرز الشعراء المرموقين والأحب إلى أنفسنا ألا وهما
(
المقدااد ) و (
الكابتن ) ألمع نجووووم الشبكة العبسية ونموذج حي نستقي منه دروس راقية من هاتين الشخصيتين الفريدتين ، حيث حصل بعض التنويه من الكابتن لزميله المقدااد حول الوزن والاخلال به أثناء المحاورة واللحن والذي أبهرني بذلك أن زميله المقدااد تقبل ذلك بصدر رحب وشكر الكابتن على ملاحظته والاستفاده من الملاحظة كما أشاد الكابتن بشاعرية المقدااد واسمه العريق في تاريخ المحاورة العنكبوتية واستنكاره لما بدر منه بخلل في الوزن في هذا الطارووق مما أثار الشكوك في ان يكون هذا المقدااد الذي نعرفه في مدى مجال المحاورة 0
الكابتن
سلام تسليم ٍ يسر المنتدى والحاضرين = على الوعد جبته مثل ما قلت توي مبتديه
من عين المقداااد يا أهل المنتدى يالغانمين = اللي يشوفه يا أهل الكفه يعلمني عليه
المقدااد
يامرحبا ترحيب بالكبتن عشير الطيبين=ياللي لياوعدت ميعادك تجيه وتحتسيه
موجود دايم بالوطن لكن انته كنت وين=حنا نحسب انك مع اللي حطو الحبل بيديه
الكابتن
دام البقى وأنا احسب انك صرت امام المسلمين = كنت احسب ان النت كله رحت عنه ما تجيه
كنت بميادين الشعر يوم اعتزالك ليلتين = أنا مواطن والوطن بالروح والدم أفتديه
المقدااد
انا مع الاسلام والاسلام في حصنن حصين= واللي يباري سيرة الاسلام يارب اتهديه
انا تركت النت لكن فيه ناسن مبعثين= ورجعة لجل اجود المبعث ياكبتن في ذنيه
الكابتن
لقيت لي مسلم يصلي مير مسبل باليدين = وانا معرفك ليت ما انت اللي نسولف به هذيه
المنتدى فيه أهله ما أنته مكلف يا حسين = محمي من ألعابث بحيل الله ولا انته محتميه
المقدااد
وش فيك كررت النهايه وانت كبتن وينووين=نقول غلطة مطبعه والاانت كبتن يابليه
انا من اهل المنتدى وان شفت شين ماهو زين= بعته وعلمت الجماعه مامن احدن يشتريه
الكابتن
سلامة عيونك يبي لك فحص مع نظارتين = الشاعر المقدااد شوفه زم مدري شصار فيه
انته من أهل المنتدى لكن بحسبة وافدين = طرقي تجي وتروح و معزبك مده تحتريه
المقدااد
تشهد عليك الناس والدفتر وخطك باليمين= راجع حساباتك وتعرف من لزومن نكتويه
الظاهر النك ذايقن من ماتذوق الذاهبين= لكن مدري غاشك به حد والا تشتهيه
الكابتن
نفرض كلامك صح منت محرر أولى القبلتين = انا احترم شخصيتك ما ني بقايلك سفيه
تحمس المقدااد في هالبيت وأغواه اللعين = صور لنا نبذه عن الماضي وبان اللي يليه
المقدااد
انا كلامي صح لاتفرض اذا ماهو يقين= خلك نزيه وحسن الفاضك مدام اني نزيه
انت امتغطرس وانت بدوي عايشن بالاسودين= وشلون لوحطوك في فلا على جنب الشليه
الكابتن
يا سايق الجمس الحمر لا تسلمه غير الفطين = ما يمسك الطاره مع المشوار يا غير النبيه
أخبرك انك سايق ٍ فني وعندك رخصتين = تغير السواق في مضمونه اللي يحتويه
المقدااد
واللي خلقك امن التراب اللي مثل شكل العجين=ان الدريول ماتغير بالطريق اللي عليه
لكن قل للي صبر ربك يعين الصابرين= وعن غلطة الصاحب يازين اللي مسكرتن ذنيه
الكابتن
شوري عليك تشوف شيخ ٍ زين يقرا فيك عين = شف له يا بن مظهور قاري و اخبره حتى يجيه
تغير الشاعر وأنا خابره مواله ثمين = المفرده لاصبها أشبه ما تشبه بالجنيه
المقدااد
ماهي علومك يابطل هاذي علوم ابا الحصين=اللي ليامن حاشه البارود ذيله يلتويه
مدام ابن مظهور شاهدنا يانعم الشاهدين= اشهد يابن مظهور ثم ارجوك قله هيه هيه
الكابتن
عجزت لا أحدد مسارك نوب زين ونوب شين = يا أصحابنا الشعار شوفوا صاحبي وش معتريه
ان كانك المقدااد سجلنا على حضرتك دين = حسبت عليك وسجلت ولو ان علمي ما تبيه
المقدااد
تشهد على نفسك ماتدري هو شعيب اوهوبطين= وهذا يكفي منك ماتدري سعد والا اخيه
يا الكابتن اللي كنت مثل الليث في وسط العرين= الليل هذا يمكن انك شاربن الك نسكفيه
الكابتن
ان عودت للجد يالمقداد أنا حبلي متين = أشب ناري وان لقيت الشاعر الجزل أشتويه
لا وا حليلك لو تسولف في عيونك دمعتين = ان نسقوها بكره يبين شرابك كاركديه
