قبيلة بني رشيد - لا مات حبك! قول لي ويش يحييه.. وان طاح قدرك، وش تجيني عشانه!

لا مات حبك! قول لي ويش يحييه.. وان طاح قدرك، وش تجيني عشانه!

حبك لك الله.. من عرفتك اداريه... ولا جاك مني، من عرفتك.. اهانه..

كل يوم أقول لخافقي وين أوديه... وش الكلام اللي، يليق بكيانه..

ودّي بكلمة، تشـْعره إن مافيه... غيره .. وعن غيره محصّن حصانه

عقلي! خفوقي، في محبته مغديه! يعني لك الله كان.. سيّد زمانه

ان نام عيني، في جفوني تغطيه.. وان قام يبقى في عيوني مكانه

وان قال بمشي، في خفوقي امشيه وان قال بلعب، قلت له في رزانه

هذا خفوقي! لكن إياك... ترميه.. هذي امانه.. وانتبه للأمانه

"فجأة صدمي" كنت انا واثق(ن) فيه! والله.. قويّه.. تنصدم في خيانه

اللهُ أكبر، كل هذا تسويه..؟ اللهُ أكبر.. يالنفوس.. الجبانه

ما عاد لي والله، يمّك.. مشاريه واللي يحب لشي، يقفي عشانه

من مبدئي: من تفضح الناس، خافيه! قبل يعاتبهم! يعاتب لسانه

اكذب عليك ان قلت قلبي أسليه! بعّدك عذاب، وفي رجوعك اهانه