قبيلة بني رشيد

لبيه يا اللي ساكن ٍ داخل العين
لا والله الا ساكن القلب مسكان
تمشي مع دمي بكل الشراين
يعني خشير القلب يا كل الأ وطان
يا زارع ٍ فيني من الشوق شوقين
شوق ٍ بوسطه شوق له وجه ما بان
وشوق ٍ كشفته بين كل الملايين
ما يملكه عاشق من الأنس والجان
هذا اعتراف ٍ حافظه بين ضلعين
زحمة احاسيسي من الشام لعمان
ولو ان احاسيسي عليها سلاطين
انتا على كل الأحاسيس سلطان
يا مالك ٍ وسط الحشا لك محبين
قلبي وعقلي مع ذعايع وجدان
ادري ما يكفي لكن القاف قافين
قاف ٍ اجيبه كيف وللقاف قيفان
وقاف ٍ يمشيني على العسر واللين
امشي معه بالكيف ممشي بعصيان
يا دنيتي يا تاج راسي على وين
قل لي وأبمشي وين لو كان ما كان
يا اللي انا لجلك كرهت المزاين
لأني اشوف الفرق بالحيل شتان
في مشيتك في وقفتك كلها زين
مشيت كبر طاؤوس مافيه بهتان
و وقفت اصيل الخيل هز الميادين
عزّ بشموخك شامخ بكل ميدان
حسن ٍ بأخلاقك مع العقل والدين
و في عفتك جيش ٍ نفر منه شيطان
يا اللي بعفافك ما تبعتي شياطين
سبحانه اللي كملك دون نقصان

خليل بن إبراهيم