قبيلة بني رشيد - المعدن الصافي

العلم والمال والإعجاب والشهره
ما تبدل اللي بيملك معدنٍ صافي
مع كل وقتٍ يمر تصاحبه طفره
احدٍ بيكسب واحد مشعله طافي
والطير يقضي حياته معتلي وكره
يرقب فضاه الوسيع بنظرة خطافي
وانا اتقدم بدربي واحذر الحفره
وامد وصل التلاقي واقصد اهدافي
وين انت ياصاحبي يامطول السفره
ياللي غيابك يهز القلب والخافي
كنت اكتبك في قصيدي وارسمك مهره
تجمح جموح المشاعر والغلا وافي
كنت اعزفك نوتة انغامي وسط سهره
مع نجمة سهيل والتحنان واطيافي
اقسمت انا النبع ما يتجاهله نهره
والبحر موجه على طول الزمن طافي
الصبح واليل وجزءٍ من بعض شهره
ماينكر الوقت ويعدل فيه بأنصافي
ياما انتظرت التواصل والأمل بكره
ويمر يومي ورا امسي مع اخلافي
ياللي تغلى وتنسى الود والعشره
وتبيع حبٍ نبت بالروض والسافي
هذي نصيحه وخذها بالزمن عبره
من واحد ما بيقبل حل الأنصافي
لا لا يغرك شعاع النجم والشهره
وخلك على ما عرفتك معدنٍ صافي

سلمان البريدي مواصل