البارحه مديت لك يدي وأنا جرحي عتيق=
=في( ليل) طوله سرمدي والهم طوله سرمده
مثل الغريق اللي على مسك العصا قلبه شفيق=
=وباخر دقيقة مؤلمة موج البحر راح بيده
اهو غرق سبة بحر وأنا من أسبابك غريق=
=ماذقت لذات الكرى وانته بهيمك ترقده
نومك هني نومي كدر ومغلفه عسر الشهيق=
=يلفح بنا جمر الغضى وانت الفحت فيك أبرده
حرق اللظى من عرفتك للقلب يالفتنه شقيق=
=مني وفا حبك فنا بالمعترك قل أجهده
أنا تصورت الغلا يالفاتنه نبضه عريق=
=عندك ..ولكن صرت ماتفرق بياضه وأسوده
هواك قبل البارحة في ساحتك حرٍ طليق=
= واليوم ضاقت به خرايم نجد في كف أجنده
في عيني اليمنى لمحته يوم ولع به حريق=
=وفي عيني اليسرى لمحته يوم نادى لاسنده
وشفت السند يرجع ورا لام المعارك مايطيق=
=وضميت قلبي في يدي واشكر الهي واحمده
يومك تغشيت الكدر بالضيق ضيعت الرفيق=
=اشرب قهر هذا الردي لافاع مافك اولده