قبيلة بني رشيد - الشاعر معتقالعياضي و سلطان الجلاوي

بدأ سلطان الجلاوي الموال برباعيه ولكن سوف أنقل لكم محاورة معتق والجلاوي

الموال بلحن الاغنيه ويلاه

سلطان الجلاوي
على على الرياض العاصمه والصف والجمهور
سلام سلام من قلبن نظيف وخاطرن مسرور
مغرم مغرم بحب العاصمه ياصحابي ومعذور
رباه رب البشر رب القدر رحمتك يالله
سلامي عليكم ياصفوف وجماهير
وابي العذر منكم بعد طول المغيبه
معتق العياضي
على على الرياض العاصمه والصف ياسلطان
أثني أثني سلام مخصصن لأصحابي العتبان
لكن لكن تراني خصمكم في داخل الميدان
رباه رب البشر رب القدر رحمتك يالله
هلا مرحبا فيكم لوأنا مسايير
ترانا رجال ولا نعرف الغليبه
سلطان الجلاوي
أهرج أهرج يامعتق بس لاتهرج بدون شعور
تراك تراك يامعتق هنيا منهي ومامور
لاتظن لاتظن جو المعركه صيد السمك ببحور
رباه رب البشر رب القدر رحمتك يالله
ترحب وانا ماقلت مسيت بالخير
سلامي على الجمهور وش تدعيبه
معتق العياضي
أنا أنا هنا بهرج هنا ولاني بزعلان
أهرج وانا بهرج ترا معاي لسان
كيلو كيلو سمك يسوى عشر ضبان
رباه رب البشر رب القدر رحمتك يالله
مقادير يادنيا العتيبي مقادير
توديه لكن بعد بكره تجيبه
سلطان الجلاوي
متى متى على الله يصحي الحربي من الكابوس
ويروح ويروح يخلع الضرس اللي ممتلي من السوس
منته منته بريس يالحريبي عندنا مريوس
رباه رب البشر رب القدر رحمتك يالله
نبى ندهن الك السير بالزيت ويسير
ومعتق لقينا ياجماعه صحيبه