قبيلة بني رشيد - الحب 000 ومايؤدي

يقـول : المحـبـة ويش لـو ..غـابـوا الأحـبــاب..؟
اقـول : الجـسـد من غير نـبـض وشعور وروح

يقـول : النهـار يـغـيـب وش موقـفــك لا غـــاب..؟
اقـول : ان رضيت اسكت يصير السكوت البوح

يقـول : السـتـر سـمـعـة وذكـر وفـعـل وثـيــاب ..!!
اقـول : المحب من الولـه والسهر ... مفضـوح

يقول : انت قـايــل لي بسـافــر بـدون عـتـــاب
اقـول : ايه قبل لأضـيـع في وجـهـك الممـلـوح

قـبـل .. تـبـدي الأعـجـاب وابـادلـك الأعـجــاب
قـبـل .. تاخــذ احساسـي وقلبي عـبـث وتـروح

قـبـل .. يـنـفـتـح لك بين عــوج الحـنـايـا بـــاب
ويبقـى على طــاريــك طــول العـمـر مــفـتـوح

قـبـل .. لا اتـوهــق فـيـك يا لـصــادق الكــذاب
قـبـل .. لا اتحـطـم منك يالمخـطـي المسـمـوح

قـبـل .. لا تـعـلـقـنـي وترحـل وبدون اســبـاب
قـبـل .. لا تـعـلـمـنـي اعـد السـنـيـن جــــروح

قـبـل .. يـتـبـعـك وانت تـمـادى جـفـا وغـيـاب
قـصـيـدي ودمـع عيونـي وصوتـي المبحـوح

يالـيـت الزمن يرجع واحـسـب لجفـاك حساب
وعــد .. ماتـعـلـق فـيـك وانـسـاك قبل تـروح