قبيلة بني رشيد

الموت هيـن والبـلا وش ورا المـوت عند الحسـاب .. يهـون سهـم المنايـا
باكر نموت و تصبـح قبورنـا بيـوت وعقـب القصـور بضيقـات الزوايـا
في جوف الارض وكل من حولك سكوت وتعاقبـن بالقـبـر عــوج الحنـايـا
يارب يـا منجـي نبيـك مـن الحـوت سترك وعفـوك يـوم كشـف الخفايـا
باكر ليا جينـا علـى داعـي الصـوت يبـان واطفـال وشبـاب وصبـايـا
ندعـي وحنـا بيـن باكـي ومبهـوت ورحنـا لهـا ننقـاد مـثـل السبـايـا
يـا رب تهدينـي قبـل لحظـة الفـوت وتغفـر ذنوبـي يـا كريـم العطـايـا
اشكيك هـم ٍ داخـل الصـدر مكبـوت وايامـي الـلـي بالخطـايـا مـلايـا
ان لاذ بك من كـان طايـع و مبخـوت فـي مـن يلـوذ المرتكـب للخطايـا ؟
يا رب يا قـادر علـى كـل طاغـوت لا ياقـف اللـي وحـدوا بـك خزايـا
رحماك لا منـا صحينـا مـن المـوت واليـا وقفنـا عنـد بـابـك عـرايـا