قبيلة بني رشيد - اقول وش رايك ننهي العلاقه

اسعد الله ايامكم بكل خير ولياليكم

وتقبل الله منا منكم صالح الاعمال وخير الاقوال في هذا الشهر الفضيل
اعاده الله علينا وعليكم ياخير واليمن والبركات كل عام الي امدا بعيدا وهو السميع العليم

واسمحولي ان اقدم لكم هذه القصيده المتواضعه
عسي ان تحوز علي
رضاكم

ياليت قلبي من سوياك يرتاح = يازين والا تنتهي هالعلاقه
اشغلتني مابين جيه ومرواح = واوثق هواك القلب واحكم وثاقه
منيتني كذبه واحطيت لي اجناح = لين السما فتق لجنحي رواقه
كيف الكواكب جاملتني بالفراح = وشلون جاريت الهوا واصطفاك
اثرك معلقني علي حبل مرجاح = ياليت منهو تاصل القاع ساقه
ليتك تثبتني علي الارض برماح = والا تسلمني زمام العشاقه
همس الغلا ياقرة العين طراح = في قلب من سقوا نباته وذاقه
طال الهوا غصــــنك ولا زلت شحاح = واسمع صدا صوتك وشوفك شفاقه
مدري وش الي يجبرك كل مصباح = انك تناجيني بذوق ولباقه
حيرتني والغيب مافيه مفتاح = ولا بجدار الغيب يازين طاقه
وان كان مال الهجر ياشوق مذباح = اقول وش رايك ننهي العلاقه