السلام عليكم ورحمة الله وبركاته

يسعدني ويشرفني أن أقدم لكم هذا النص الجديد بين يديكم جميعا

وأتمنى أن يحوز على رضاكم..

قلبي خذيته واصبح اليوم مأسور=بوسط سجنك مقدر اطلق سراحه
وقعت في حبك وحبك غدى دور=فلمن امثله واطلب الله نجاحه
دور البطوله منه انا صرت مخطور=شفت السهر والضيق ماشفت راحه
بكتب حبيـبي بالورق وأظهـر اشعور=اشعور من شاعر يثيرك قراحه
ينزف قلم حبره على هيئة اسطور=فيها مشاعر صادقه وابصراحه
الا وجودي وجد طيرن به اكسور=متألمن من طلقتن في جناحه
يبغى يطير وناح بالصوت مقهور=قناص بارع صوبه في سلاحه
كني خشيره بالألم صرت مجبور=بسباب منهو سدي اليوم باحه
يازين انا ضايق ولاني بمسرور=عزي لمن مثلي شكى من جراحه
متأثرن بالحب لي عدة اشهور=مدري متى أحصل معاك استراحه

وسلامة الجميع.