يابو سعيد وين أهل زين الأوصـاف = علميبهـم قبـل تطيـح المشـاريـع
يومٍ كل القيظ فـي حسبتـه طـاف = راحت ظعاينهم تزاعج مـع الريـع
من جال عدٍ يدهله خمسـة أسـلاف = حامين حـده بالسيـوف القواطيـع
ترعى الخطر في ظفهم حم الأشعاف = وجنوبهـا معترضتـن للطمامـيـع
يغذالها مـن درهـا كـل مزغـاف = حتـى تباشرهـا بسـرع المفازيـع
ليا صاح صياحٍ على راس مشراف = ركبم عليهـن مهمليـن المصاريـع
فيما مضى يشهدلهـم كـل عـراف = واليوم أمـان وتاركيـن المطاميـع
تفرقوا يرعـون ريمـه بالاريـاف = وأنا قضى صبري ولا لـي مدافيـع
يسقى ليا نشف ثـرى كـل هتـاف = ويبست حبوب العشب عقب المرابيع
اظن يجمعهم على العـد مصيـاف = يجيبهـم حـره لمـا هـم مرابيـع
واشوف من فتخ ايديني بالأحـلاف = اللي مضيعني عـن النـاس تظييـع
أغليه لو أنـه مسومبـي اسـراف = وليا عذلني عاذلـي قلـت ماطيـع
ياعاذل العشاق منته مـع انصـاف = ماذقت مـن لـذات حبـه قراطيـع
ليتك تشوف اللي نوانـي بلاتـلاف = اللـي جـرح قلبـي بليـا منافيـع
تشوف شقراً شرعاً فـوق الأرداف = وسودٍ هدبهن فـوق خـده مشاريـع
أغديك تبلشبه من اليـوم واخـلاف = وتسامح اللي يشتـري فيـه ويبيـع

ليا صاح صياحٍ على راس مشراف
ركبم عليهـن مهمليـن المصاريـع
فيما مضى يشهدلهـم كـل عـراف
واليوم أمـان وتاركيـن المطاميـع
تسلم على الذوووووووق الرائع ولايسلم ردي العزايم