سلام من هاجسن مغمور في حب الطويلات = يشهد له طويق لو ينطق وعطيه التحيه
وين المطيري نويت احط له ست احتمالات = وابا انشده عن علوم السيل في نجد العذيه

يامرحبا ياهلا واعيدها لك عشر مرات = من هاجسن لا سرا فالليل مايوصف حليه

انشد وانا اجاوبك واخذ الخبر لكن بسكات = واجاوبك عن هل الحره وعن هضبت طميه

دام البقا فيك لو نطمح بتحسين العلاقات = لكن بنت الحيايا ماتخلف كود حيه

لو ننشد الراوي اللي مايعد الا الروايات = عن قصة الفارس اللي راح ماعشا خويه

ياصاحبي لا تلوى وانت مامعك اختيارات = غير الطريق الحيادي فالليال السرمديه

لاتنشد الناس وانته ما معك اياته اثبات = مير اوردي يابحور و ورد النفس الظميه

اليا ظربنا العيون تروح من ظمن الوفيات = ومطير ماتسلم الا نردف الكيه بكيه

غطفان ماتقبل التقسيم من شلة عصابات = مير الخلا وازبنو بير الطيور الموسميه

امطير دوله تناطحها دول وانتو دويلات = مير احمد العافيه لاتقرب النار اللظيه

سبحان ربن خلقنا يابيض الشارب مقامات = يومن غطفان ماظمت عيال العقربيه

يادولة الترك ياتجميع من شتا المجالات = حنا الرجال اهل المنسب وحنا اهل الحميه

لاتحزن النفس في قاع الحسو تلقا العلامات = يومن راع الحصان يطش خيال العبيه

حنا الحسب والنسب حنا لنا قسم البطولات = ولا انت مظروب جنبك من مظاريب الرديه

ياصاحبي وين دارك يوم كلن له مساحات =- مطرود من نجد لحقه للقبايل فالحويه

يابو حسب ماكسبت الا بكذبه واحتيالات = تتبع بيوت العرب وتصوم في عيد الضحيه

امن المدينه ليا حايل لنا جوله وصولات =يومن بعض العباد يجول مجهول الهويه

ماني بكذاب لن بغداد في بابه علامات = هذي من المعجزات ويشهد التاريخ ليه

طولتها يالرشيدي مانبا نزعلك ببيات = لاتطول الهرج جاك العلم والذمه بريه