قبيلة بني رشيد - باسباب وقتن لشاعر سالم بن خضير الهاجري

الله ومن واهج بالصدر يجتالي
ضاقت عليه الوسيعه في مخارجها
بأسباب وقتن غريبن كدر البالي
يدور بالعكس والأفكار مزعجها
ياما تشوف العيون ألوان وأشكالي
تحتار لو فكرك الصافي إمبرمجها
فيه الصداقة على الدينار وريالي
بالغش والكذب والحيلات تنسجها
بعضن من الناس من ماضيك الأجالي
هذي مع الوقت والدنيا مناهجها
تعطيك كلمة وتاخذها على البالي
وتسايرك لين تقضي بك حوايجها
وليا انتهى شغلها تضرب بك الجالي
تنساك لونك على متنك إمحججها
وحتى الصديق الموالي صار دجالي
وليا سمع كلمة"شينه يروجها
وقته يقضيه بين القيل والقالي
خبلن عروض البشر ماغير يعلجها
هذا وشكله صداقتهم على الخالي
لاخير فيها ولو زانت بهارجها
وأصبر وأغض النظر في الأحوالي
من شان البشر ماودي احرجها