هلا يامرحبا في حفل باتل راعي الوقفات=تعنتله جميع الناس من قدره وتقديره

ياتركي ياولد ميزان مطلوب العرب بذات=حضورك هو نجاح الملعبه ياطيب السيره


الميزاني

يدوم الك البقا يلي ترحب وطيب الساعات=مقابل طيبين الصيت وأهل الدار والديره

أخذ مني كلامن يعجبك وأنتا سواته هات=ترا ماكل رجلن بلقا تقبل معاذيره


الهطلاني


نعاملكم عرب وصحاب والاعمال بنيات=وسوق أهل الوفا ياهل الوفا ماقل تسعيره

أنا دافعت عن تركي ولكن كثرت الاصوات=ليا طفيت نيره ولعو خمسة عشر نيره


الميزاني


ترا التقدير حي وعايشن بين العرب مامات=وهاذا قصدنا الي نقصده ماعندنا غيره

ليا قدمتها مره نرجعها عشر مرات=أنا بدرب ماحطيتلي لفه وتدويره


الهطلاني


وخلق الله يابن ميزان لابانوعلي الغرات=يبون امعا الفراق الزين تعميره وتبهيره

ليا راحت دروب الناس عوج وكثرت اللفات=تركنا راعي المظهور يسرح مع مظاهيره


الميزاني


أنا عندي لغة وانتا تكلمني بسبع لغات=ومن يسمع كلام الناس ضاع وضاع تفكيره

أضن المعتمر لا بد مايحرم من الميقات=عساك تردها ياصاحبي ركعه وتكبيره


الهطلاني


صحيح أن الزمان يقرب الأحياء من الأموات=وهاذي مشكله والوقت لاتامن مقاديره

تبينا ننهي الموظوع في ساعه وعشر أبيات=وهاذي يابن ميزان المسما خيرن وخيره


الميزاني

هذا مجرا الحياه وكل وقت تصير به ازمات=وفصل الصيف ماتستغرب العالم معاصيره