محتاج لك حيل والله يقطع الحاجه= حدتني وجيت اداري دمعة عيوني
باين علي التعب والضيق وانتاجه= منهار لوني متغير ماهو بلوني
لقيتك اللي يصد معقد حجاجه= وانت أقرب الناس والغالي ومضنوني
لكن على الله بيديه الضيق وفراجه= ولا أنت الله معك خابت بك ظنوني
بلاش منك ومن موقفك وحراجه= روح واتبع اللي خذو مني وخلوني
من صدى عني ترى مانيب محتاجه= من دونه أعيش دامه عاش من دوني
ون قدر الله مع الأيام نتواجه= تمر مثلك مثل ناس يمروني
في عيوني تصير ما تسوى ولا حاجه= من عقب ماكنت تسوى الناس في عيوني

اقتباس من مشاركة بدر الحشية صح لسان الشاعر وقصيدة في قمة الروعة والاروع من ذلك النقل المميز والجميل اخي صادق الوعد انت مبدع دائماً في طرح وفي مواضيعك اتمنى لك التوفيق والسعادة تحياتي لك مع باقة من الورود

اقتباس من مشاركة مرضي الداموك صح لسان الشاعر ثامر على هذه قصيدة الرائعه وسلمت أناملك يا صادق الوعد على النقل المميز والجميل اتمنى لك التوفيق تقبل سلامي