قبيلة بني رشيد - اشرب على كاسين واشرب على كاس \ ويزيد همي كل مازاد كاسي

العنواان هو بيت من قصيده قديمـه للشااعر

عبدالله باتل الرشيدي ( البحر الميت)

هذي سالفه سمعهتا قبل كم سنه والظاهر انها معروفه عندكم
يقولكم هذا واحد عاشق بنت عمه وهي عاشقته وقسم الله
وتزوجوا
اخذت عنده مده وماكتبلهم يجيهم عيال قال ابو الولد
لازم تعرس يمكن يسوق الله نصيب ويجيك عيال
المهم الولد كرد لابوه يعني عيا
يجيه منا ومنا مافاد فالولد
قال ابو له طلقها والا والله اني لاتبرا منك ومتنب ولدي
الولد حاول في ابوه بس الشايب قلق وتنح
عاد الولد يحب زوجته بس مايقدر يعصا ابوة
طلقها وانعزل عن الناس جالس فالبيت
يجونه اخوياه ويحاولون انه يطلع معهم بس يعي
عاد كل يوم يجونك اطلع سافر معنا بس لاحياة لمن تنادي
بعد كم محاولة ترجي وتوسط طلع الود معهم وسافروا لسوريا
بس الخاطر شين البال مهوب معهم يهوجس في بنت عمه
وهو بالمرقص والناس مبسوطه وهو مهوب يمهم
قاال هذي القصيدده

اشرب على كاسين واشرب على كاس= ويزيد همي كل مازاد كاسي
هي عزة ً بالنفس طبعي ونوماس=ماتابع المقفي على العز راسي
ويوم الوداع اصفق أنا اخماس بسداس=قالت بمان الله واهتز ساسي
صابر وأنا قلبي رهيفاً وحساس=ياقدرة الله قلبها اليوم قاسي
راحت وخلت فكري اليوم محتاس=من بعد ماراحت حسست بعباسي
اضحك وداخل موجة القلب وسواس=غديت أنا والهم رفقة سواسي
لاواهني الناس تدله مع الناس = وانا عجزت القا مع الناس ناسي
يالعنبوا ذالصيف يضيعون الأوناس=ماعاد الاقيبه رفيقن يواسي
والمشكلة مالي بعد ذاك مجلاس=ولا بعد بالذل اتابع مراسي
ودي بشوفك يابعد كل الاجناس= وأقضي معك ليله بليا نعاسي
والله لاالبّس عنقها عقد والماس=وتصير ماسة نادرة فوق راسي
سبحان ربي فصلك ليا الباس=البس مقاسك وانت تلبس مقاسي
ربي يتمم جمعنا بعد ذالياس=ونعيش جواً مايعرف المآسي