ناصر خنيفر+مسري
السلام عليكم ورحمة الله وبركاته: هذه محاورة بين الشاعر ناصر خنيفر والشاعر مسري: ناصر خنيفر: يابوعقالن على راسك غدى قسمتين=ظبط عقالك ونشد عن غياب الصحيب حنا ماغبنا ولكن راحت محاربين=واليوم خذها من اللي يلطمون الحريب مسري: راع العقال المسمى معه عقل فطين=واحذر عقاله ينوشك كان وانك لبيب ياربعنا جعلكم طول الزمن حاضرين=واللي يبا يبلش العربان اقول اله عيب ناصر خنيفر: يامسري انته من ايا ناس بالمسلمين=حنا سالناك وانته لازم انك تجيب مادام ناوبت عن ذيبان ذرب اليمين=خلك خوي معي يامن ومرتك حبيب مسري: انا من اللي لهم كل القواسي تلين=في ساعة راس مفطوم الرضاعه يشيب نايب عن الصاحب اللي باللوازم يبين=روح وانا اقفاك ياناصر ووضعك صعيب ناصر خنيفر: الناس وجد وكل فيه زين وشين=ولاني بقاصيك كانك مانت رجل غريب لعل فيك بركه ويصير رايك سمين=يانبت عن صاحب عامين ليه طليب مسري: الناس احد ذيب واحد يشبه ام القرين=وانا من اللي لهم في كل مرقب قنيب صاحبك ياصاحبي ماحط له بيت طين=اما نزل بالوعر والا بجال الشعيب ناصر خنيفر: صيح لكن علام العلم عيا يبين=وحنا ننشدك من صبح الضحى للمغيب ماقول فيكم قصور وكلنا غانمين=لكن حنا نزود بدون شك وريب مسري: ماعندنا مشكله لكن ربك يعين=عند الشدايد تبا تعرف جميع النصيب والكم كذلك لكن القوم راحوا لوين=شيخونا روحوا والمشكله بالطبيب ناصر خنيفر: روح وذب الحداء مابين ضلع وبطين=والرمي يخطي ولكن فيه رمي يصيب لاتخاف وش علمكم يااصحاب متخوفين=كرسيكم ماعليه الخوف سحبه صعيب مسري: مدام هاذي علومك صيح ياابالحصين=تضبح بصوتك وجاك مع الخفا صوت ذيب ماخاف رجل معه بالوقت جنب متين=الضلع ثابت وراسي ماش شك وريب ناصر خنيفر: من عادتي مانحب الا الكلام الحسين=واما الرديه لاهلها وافتهم ياشبيب تصبح على خير قبل تعايد القريتين=ماودي اورد مسري يم حام اللهيب مسري: اللي يقدم لنا صاعه نرده ثنين=ولو كنت ماخطيت والله ماحصل شق جيب الساري اللي سرى ياقوم مكسور عين=ماهوب الاول ولاهو ياجماعه غريب وسلامتكم اتمنى ان تنال اعجابكم............... |
تسلم النقل يالغالي...
|
صح لسان العمده وصح لسان مسري
ومشكور يالمنسق على التنسيق |
صح لسان العمدة ابوتركي
صح لسان مسري مشكور اخوي مسري على التنسيق وتقبلوا مروري |
مشكور يامسري على التنسيق اثريك مانت بسهل
|
اشكر الجميع على المرور واقول الله لايهينكم
|
إقتباس:
اكيد مانيب سهل انا مسري الشعار وداهية الدواهي والا عندك شك خخخخخخخخخ |
هذا المصامخ من الارشيف بين العمدة ناصر خنيفر والعمدة مسري الشعار اخو صلفــــــــــــه
|
الساعة الآن +4: 02:34 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.