|
العير وابن شايق لم تنشر
بداية المحاوره كانت عند عبدالله العير وهو كان متواجد قبلها بالليله في الخفجي واتفق مع ابن شايق التواجد في في الدمام بعد المحاوره مباشره
الطاروق الاول كان عند عبدالله العير سلام الله على اللي جيت اعايدهم ليال العيد = عدد وبل السحاب اللي يهز الضلع برعوده على شانك يابن شايق من الخفجي قطعت البيد = ولكنك قدر الطرقي وقدر كل مجهوده عبدالله بن شايق هلا يامرحبا بك يالمسلم ياقريب ابعيد = ياطيب العير لو يكشف هدف سره ومقصوده وانا والله قطعت اربع مية كيلو بعد وتزيد = ولا فكرت فى المشوار لا نقصه ولا زوده عبدالله العير ابن شايق يريد وصاحبه في هذا الزمان يريد = لكن الوقت يبسة شجرته ثم انحنى عوده والا يا ذياب ابن غانم وش اللي غير ابو زيد = بغيته يمنعه عن ماقعٍ ياتيه ويروده عبدالله بن شايق انا حضرت فكري واكتشفت العلم بالتحديد = اخذ عفشك وعود صوب ذاك الضلع وقروده معي بندق معي محزم ورشاشٍ يصيد الصيد = ولا فى الكون كله صيدتٍ ماهي بمصيوده عبدالله العير ليا عودت يم الضلع ماني في الحياه اسعيد = وانا نفسي سعيده في الدهر ماهي بمقروده ترا ما كل قناصٍ يابن شايق يفيد الفيد = زمان اليوم خلا الذيب الاسحم ياكل عضوده عبدالله بن شايق انا والله ما هدد واحدٍ ما يبغي التهديد = دروبك كلها ذالليل مقضوبه ومسدوده على الحبلين تلعب وانت عبدالله وابوك عبيد = تبي يومٍ عبوسٍ يختلط ملحه وباروده عبدالله العير ليا هاج الجمل ماعاد ينفع في شعيل القيد = ولو انه هله في كل ساعه تفتل اقيوده انا رجلٍ مسالم واترك التحديد والتعقيد = ليا جازيت اجازي كل رجالٍ بمردوده عبدالله بن شايق هذا والله كلامٍ صح واسمع مني التاكيد = عشاك العظم الابيض مع ذياب الدار وفهوده يابندر يابنيدر علق اسمك مع سعد وسعيد = مرور ابريده اتبع ضابطه وانته من جنوده عبدالله العير سمعت اللي سمعته وانتبه يابن الحلال اتعيد = ترا بعض العرب دايمٍ يديه اتصفق اخدوده والطاروق الثاني ابتداه عبدالله بن شايق انت يالعير راسك فيه دورة فلك = الله انه يزيد العافيه عافيه ودنا ودنا نرضيك ما نزعلك = صاخنه بارده والثالثه دافيه عبدالله العير الجمل حملته في غاربه مابرك = جعلها يال عاطف نعمتٍ ضافيه طير قرناس طاح العصر وسط الشبك = يحسبٍ الليالي كلها صافيه عبدالله بن شايق عطني اذنك تعال اشاورك واسئلك = والاشاره تراها بيننا كافيه حاسب النفس قبل الموت ويش اعملك = ليش نارك تشب وجمرتك طافيه عبدالله العير انت عذروبك انك في رفيقك تشك = اكثر الوقت ما ترقد عن اللافيه المطيري سلك والعاطفي ما سلك = من نظر قدم وجهه ينظر اخلافيه عبدالله بن شايق منزلي منزلي وانت اتعرف منزلك - روحنا تستقر وروحكم نافيه المطيري هلك والعاطفي ما هلك = ارفع الرمي يابو طلقتٍ هافيه عبدالله العير ياحصان ال عاطف فارقتك الرمك = نحسب انك حصانٍ زين وسنافيه لو اب احط راسي وسط حبل الدرك = رحت يابن الحلال ارباع وانصافيه عبدالله بن شايق ياحصان البدو ومطير ما نجهلك = انت في مصر مثل احصان الاريافيه انت ياعبدلي والله ما اجي عبد لك = واجبك راس رمحي بين الانجافيه عبدالله العير انت مدري وش اللي عن عشاك اشغلك = لين روح به اللي جرته حافيه عبدك اللي ورا تبراك يخدم هلك = لا قين في طرفك فراش والحافيه عبدالله بن شايق روح وانشد مداهيلك وشف مدهلك = الونيت الحمر مافيه نسافيه شد من جنب صبحا شايبٍ جد لك = كانه العبد علمني بالاوصافيه عبدالله العير انت تجهل وانا ما واخذك بجهلك = جعلها غزوتٍ ما عقبها انكافيه وين ما رحت عبدك في الدير يطردك = ياعبيدٍ ورا عمانها وافيه |
مشكووور يامرشد
والله يرحم العير |
الله يرحم العير عبدالله ومشكور يامرشد
|
يعطيك العافيه مرشد
مشكوور على النقل محاوره راائعه وشعرااء راائعين والله يرحم العير ويرحم اموات المسلمين تحياتي لك |
الله يرحم العير عبدالله ومشكور يامرشد
|
الله يرحم العير ويطول عمر ابن شايق ..
تسلم يابن مظبر........ |
الله يعطيكم العاااااااااااااااااااافية على المرور
|
| الساعة الآن +4: 09:27 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
