لو قالوا الناس ينسى قلت أنا مستحيل =سبحان رب" يفرق شمل ويجمعه
كنا وكنا يامالك جعل عمرك طويل=أخوان وفضل من الأخوان ضيق وسعه
واليوم مكنك آلا رجل عابر سبيل= يمكن لو احصل بالدرب ممزح معه
الوه وشلونك وطيب مسوي جميل = أحسن من الهجر بالأصحاب ولمقطعه
ورقمك مخزن بوسط القلب غير الدليل= لكن لو نتصل مقفول من يرفعه
ونشد عنك كل خلق الله صاح وهبيل = احد" يقول اعرفه وحد" يقول اقلعه

دورات الأيام ماهي ثابتة بكل جيل = لو السنة ثابتة بفصوله الاربعه
اعذر خويك ترى بالوصل ماهو بخيل = لكن هاجوس بقعا طق له بإصبعه
أنت الخوي الذي ماله بقلبي مثيل = الطيب مخلوق معك وفيك ما تصنعه
ترى اتصالي يابو نايف بحقك قليل = مفروض مثلك ليا داوم أدوم معه
حرصا" على خوتك مرضى بغيرك بديل= بس الخوي العزيز ان زعل من يقنعه
وليا نشدت انشد الطيب وراع الجميل = لاتنشد النذل عني راعي ألمطمعه
النذل لأرحم أبوه يموت ماله خليل = يحب يمشى مع الصاحي يبا يضيعه

ورقمك مخزن بوسط القلب غير الدليل