درس بالحياة 1
 

بسم الله الرحمن الرحيم
السلام عليكم ورحمة الله وبركاته

اولاً حبيت اعتذر عن الإنقطاع عن المنتدى، وذلك لاسباب مختلفة،
ثانياً حبيت احيي جميع ابناء عمومتي من عبس واحيي الجميع من لاكان به حقد علينا.

اما في القصيد فأقول:

سطى بي الوقت الغبر قبل عشرين
واليوم بعد هالعمر زال احتلالي

من فضل رب البيت ومشرّع الدين
عقب الهماج اليوم شربي زلالي

كسبي مناعه تعتبر بدل كسبين
و ما يمنحه حتى الصديق الموالي

دارت بي الدنيا على العسر واللين
وانا بمكاني درت بأقصى مجالي

العقل مع عيني على الوضع واعين
وتلقى جوابي حين طرح السؤالي

غارت علينا ناس تمشي بوجهين
صاروا بروس النايفات الطوالي

من عقبها صاروا اكابر و راقين
وكسبوا بعد تلفيق قول الهزالي

وغيرهم غدوا باسفل الربع مقعين
وضاع من كفهم قوي الحبالي

والمال يمكن يجعل البوم شاهين
بعيون ناس"ن" مستوين الخبالي

وهذا هو التفسير لأتباع موذين
كل"ن" يصادق من تملك حلالي

الناس تتبع من يعد الملايين
لو هو ضعيف"ن" من عبيد الموالي

لا صار راس المال عنده ليا وين
صار خليق و صراحته تنفي الهبالي

في وقت ماله بالرجال الفقيرين
لو هم كرام من كرام السبالي

درس"ن" عرفته ما يقدر بتثمين
وخلاني أصبح فوق غيم المعالي

لو كان اباطى الشوك، عدّه بساتين
ولا آخذ اللي بذره لي قبالي

وسلامتكم

وعليكم والسلام ورحمة الله وبركاته
حياك الله اخوي رواحي عبسي
/
قصيدة راقيه بمعانيها وبالحكم اللي فيها
ننتظر جديدك تقبل مروري

قصيده رائع
تقبل مروري

وعليكم والسلام ورحمة الله وبركاته
قصيده راقيه والي الامام ان شالله
وننتظر جديدك

وعليك السلام ورحمه الله وبركاته
حيااااااااك الله يااخوي
مشكووووووووور على القصيد
وتقبل مروري

لاهنت ابد على مرورك برق الوسم
كونك اول من يرد على القصيدة فخر لي

الرائع هو مرورك لا هنتي ابد

ما عليك زود يا عايد
وباذن الله التوفيق للجميع